Fejér, Georgius: Codex diplomaticus Hungariae ecclesiasticus ac civilis. Tomi IV. Vol. 1. (Budae, 1829.)

1 335 gilli nostri munimine roboratas. Datum Budae anno Dominicae Incarnationis 1244. Nonas Aprilis, regni nostri anno quinto (decimo). E MSS. Kaprinai Tom. II. p. 39 — 4. in 4. A. Ch. 1244. Idem Bela Nicolao, filio Ohichk de Ziud terram castri Koarszeg vocatam, donat. Bela, Dei gratia, rex primogenitus regis Hungariae, omnibus Christianis, praesentem paginam inspecturis, salutem in Domino sempiternam. Cum in multitudine fidelium nitor coronae regiae consistat, debet consideratio nostra eo gratantius obsequentium meritis respondere, quo constat et eorum fidelitatem magis accendi, et ipsos ardentius multiplicari per munificentiae regiae largitatem. Proinde ad vniuersorum tam praesentium, quam futurorum notitiam harum serie volumus peruenire; quod nos salubribus monitis inuitati considerauimus multiplicia seruitia dilecti et fidelis nostri Nicoiai, filii Obichk , de Ziud, quae nobis eo tempore impendit, quo aduersitas Tartarorum regnum nostrum inuaserat, et nos praesidio fugae ad partes maritimas proficisceremur, ante ipsos, omnesque Barones, ac multi nobiles regni nostri deseruissent ; tunc idem Nicolaus nos nullatenus dereliquit , sed potius cum omni familia domus suae vsque ad insulas maritimas fuit nos sequutus. Tandem de Tragurio ad curiam Romanam per multa pericula marium et terrarum, super impetranda procuratione venerabilibus Patribus, qui ad gubernandas Strigoniensem, Coloczensem, Geuriensem Ecclesias, eorum antecessoribus per lugubris memoriae Tartaros interemtis, in tempus fuerant