Fejér, Georgius: Codex diplomaticus Hungariae ecclesiasticus ac civilis. Tomi IV. Vol. 1. (Budae, 1829.)

vel conueniemus, imo fidelibus nostris districtius dabimus in mandatis, et specialiter Cachetis et Iadertinis omnibus ( qui Nonam se receperunt) qui exierunt ciuitatem Iadrensem, et sunt sub potestate nostra, vt Duces Iadrae commorantes et alios Venetos non praesumant de cetero molestare, vel aliquam iniuriam, seu offensam eis inferre. Item memoratos Iadertinos, qui exierunt ciuitatem, et sunt vel esse volunt sub potestate nostra, et in terra nostra , remouebimus a districtu Iadrensi et Nonensi, et collocabimus eos quatuor miiiiaribus remotius a mari. Item nullam conuentionem, nullum pactum, nullam confoederationem faciemus et nullam societatem cum aliqua persona, vel aliquibus personis, contra iam dictum Ducem et suos successores, ac etiam contra commune Venetiarum. Nec aliquod consilium vel auxilium inimicis ipsius Ducis vel suorum successorum, seu communitatis Venetiarum impendemus , aut impendi faciemus contra dictum ducem, et communitatem Venetiarum; nec ipsos inimicos, nec ipsorum nuncios aut homines per terram nostram transire permittemus contra praedictum Ducem et communitatem Venetiarum. Item quum requisiti fuerimus a praedicto Duce, vel ipsius successore, prout decet ab amico , consilium et auxilium impendemus contra inimicos et infideles, maxime circa maritima, sicut consueuit amicus amicum iuuare, sique facere poterimus cum bono et honore , et salute regni nostri; ad maiorem autem firmitatem praedictorum litteras praesentes nostro sigillo fecimus communiri. Datum in castro iuxta castrum Gallas, anno Domini MCCXLIV. Kal. II. Iulii (f. II. Kal. Iulii.)."