Fejér, Georgius: Codex diplomaticus Hungariae ecclesiasticus ac civilis. Tomi IV. Vol. 1. (Budae, 1829.)

ab Incarnatione Domini Millesimo , ducentesimo , quadragesirno secundo. Vndecimo Kalendas Decembris. Regni autem nostri anno octauo. Ex archiuo aulico Dipl. Hur.g. Tom. I. p. 127. sqq. in folio. A. Ch. 1242. Idem Bela ciuitatL regiae in monte Grech, prope Zagrabiam erectae, insignes adiicit libertates. In nomine Sanctissimae Trinifratis, et indiuiduae vnitatis Amen. Bela, Dei gratia, Hungariae, Dalmatiae, Croatiae, Ramae, Seruiae, Galliciae, X.odomeriae, Cumaniaeque Rex in perpetuum. Regum Celsitudo requirit , et sublimium dignitati debetur , vt tanto amplius in multitudine plebis gaudeat, quanto ipsi auctoritate antecellunt; hinc est, quod tam praesentibus quam posteris harum serie declaramus, quod cum nostrae placuisset voluntati, in Zagrabia, in monte Grech, ciuitatem liberam construere, et ibidem hospites conuocare, et illam partem regni ad securitatem confinii et alia commoda, munire et firmare, conuocato consilio , cum dilecto et fideli nostro, Dionisio, Bano totius Sclauoniae, et aliis regni Principibus, nostram hanc intentionem et voluntatem vnanimiter approbantibus , nostrum propositum perduximus in effectum , concedentes, vt in praedicto monte libera ciuitas fiat; hospites libere conueniant; terras et possessiones, conditiones et libertates a nobis assignatas, et subscriptas habeant, teneant et custodiant inconcussas. Conditiones itaque et libertates hospitum praedictorum, in praedicto monte habitantium et conuenientium , quas ipsi inter se fecerunt, et nos approbamus, tales habent: Quod-