Fejér, Georgius: Codex diplomaticus Hungariae ecclesiasticus ac civilis. Tomi IV. Vol. 1. (Budae, 1829.)

Iaudem Domini exercituum valeat obtineri. Nec placeat vobis ista sub dissimulatione pertransire , vel dilatione suspendere. Nam, si , quod absit, Germaniae lines inuadant, nec inueniant obstaculorum repagula; pro foribus expectent ceteri venientis subito fulgura tempestatis, quam diuersis mundo contagiis inquinato , refrigescente caritate multorum, per quos fides praedicari, et constare deberet, et pernicioso eorum exemplo , mundum vsuris et variis Simoniae et ambitionis generibus maculante, diuino iudicio credimus emersisse. Prouideat ergo Excellentia Yestra , et dum communes inimici in vicinis regionibus debachantur ; ad resistendum eis , maturatis consiliis, vobis consulatis. Quoniam de terris eorum hac se mouerunt intentione, vitae pericula non curantes, vt totum sibi , quod auertat Dominus , subiiciant occidentem, jfidemque et nomen Christi peruertant, et euertant. Et pro inopinata victoria, quam Deo permittente, sunt hactenus consecuti, ad tam vehementem insaniam deuenerunt, vt iam regna mundi sibi reputent aquisita, et vt reges et principes ad vilia eorum officia subiectos edoment, suppeditatos inclinent. Speramus autem in Domino Iesu Christo, quo duce, quo praeuio, hactenus ab inimicis nostris liberati triumpliauimus, vt et hi, qui de Tartareis sedibus proruperunt, fastu deposito, expertis cccidentis viribus , quas sibi sentient aduersantes, ad sua Tartara Tartari detrudentur. Nec gloriabuntur tot impune peragrasse prouincias, tot populos deuicisse, tot facinora perpetrasse, quum ad victrices aquilas praepotentis Imperialis Europae sors incauta, imo Sathan , ipsos traxerit moTom.IV. Yol.I. . 15