Fejér, Georgius: Codex diplomaticus Hungariae ecclesiasticus ac civilis. Tomi IV. Vol. 1. (Budae, 1829.)

A. Ch. 1240. Idem Gregorius Episcopum Quinque - Ecclesiensem, vt seposito periculorum metu, ad Synodum compareat, vrget. Gregorius — — venerabili fratri — — Episcopo Quinqueecclesiensi salutem, et apostolicam benedictionem. Petri nauicula matris Ecclesiae sinus negotiorum operta fluctibus, et quaestionum vrgentium agitata procellis , dexteram Iesu subleuantis implorat ; ea quidem flatibus aquilonis impulsa dormire videtur Dominus , nutant discipuli , naute quasi naufragi verentur euentum , populi trepidant, clamat Petrus ; vtinam tepescentibus ceteris saltem porrigerent fily opem consilii salutaris, ne ipsam fluctus inuoluat, aut pyrata crudelis abducat. Porro federe naturalis pactionis irrupto, fides quatitur, caritas refrigescit , tepescit deuotio, crescit et inualescit iniquitas in Deum et proximum commissura , ex quibus fidei christiane profectibus euidens prestatur obstaculum, sequuntur salutis dispendia , et plebs deuota fidelium , beneficio quietis excluso, variis molestiis fatigatur, que communis statera iudicii apostolice dignitatis auctoritas iuste discusionis examine prudenter appendens, vt omnium generalis et vna mater vtilitati prouideat singulorum, manus fortium, Reguin videlicet, Prelatorum, Principum, et aliorum fidelium, non indigne aduocare decreuit, vt multiplicatis clamoribus Dominum suscitet dormientem, et plurium adiuta consiliis prementia faciat onera leuiora, expeditionis optate portum feliciter petitura. Verum, sicut pro certo didicimus, singularis ille dudum ecclesie filius apostolico prouectus et defensus auxilio, de puero tunc omni destituto suffragio ad impery culmen humero ma-