Fejér, Georgius: Codex diplomaticus Hungariae ecclesiasticus ac civilis. Tomi III. Vol. 2. (Budae, 1829.)

sonam tuam inter reges Catliolicos et Principes Christianos sincerioris affectionis brachiis amplexamur; tanto amplius de tua salute solliciti, et ad honorem tuum feruentius aspiramus, et quo vniuersalis Ecclesiae sollicitudo principalius nobis incum"bit, et de honestate ipsius tenemur sollicitius cogitare, ne vei per incuriam, vel negligentiam nostram , quod absit, notam alicuius detractionis incurrat, quae non debet habere maculam, neque rugam. Olim siquidem venerabilis frater Strigoniensis Archiepiscopus intellectis quibusdam enormibus abusionibus , seu enormitatibus abusiuis, quae in regno Vngariae tunc fiebant: videlicet, quod propter oppressionem pauperum Christianorum , ac Saracenorum et Iudaeorum in Christi fidelibus dominatum , multi Chrislianorum oneribus. insupportabilium exactionum grauati, videntes Saracenos melioris conditionis, et maioris libertatis praerogatiua gaudere, sponte se transferebant ad eos, et ritus suscipientes eorum, vt pari cum eis libertate gauderent, non solum per errorem Christiani Saracenorum et Saraceni Christianorum mulieribus miscebantur ; verum etiam ducebant eas damnabiliter in vxores; emebant praeterea Saraceni mancipia christiana, vt de iis tanquam de suis omnern voluntatem et voluptatem suam explerent, quae apostatare cogebant, et eorum non permittebant filios baptizari ; pauperes nihilominus Christiani quandoque sic oneribus et exactionibus grauabantur, quod filios et filias cogebantur vendere Saracenis , et sic liberi fiebant serui, et Christiani quodammodo Saraceni. Quidam quoque ipsorum cum essent Saraceni reuera se Christianos mendaciter simulantes, sub pailliata