Fejér, Georgius: Codex diplomaticus Hungariae ecclesiasticus ac civilis. Tomus II. (Budae, 1829.)

Cardinalem praedictum deuote reeeperis, et honorifice pertractaris; vt bonum initium meliori fine concludas , celsitudinem regiam rogamus attente , et monemus; quatenus eum in reditu suo benigne recipiens, et honeste pertractans, per regnum tuuin facias secure conduci, vt et ipse, qui magnum in ecclesia Dei obtinet locum, et nobis inter ceteros fratres nostros carus existit, ad honorem et profectum tuum fortius obligetur , et nos , qui personae nostrae reputamus impensum, quidquid honoris exhibetur eidem , magnificentiam tuam propter hoc debeamus propensius commendare. Datum Romae apud Sanctum Petrum IV. nonas Octobris, Pontificatus nostri anno septimo. Apud Dobner Mon. T. II. p. 345. E reg. an. Vft. ep. 137. Katona Tom. IV. p. 731. De aduentu Legati, et coronatione , legationeque peracta, Basilius , Bulgariae Primas, ad eundem Innocentiuin III. sic retulit: ,, Multas inclinationes — — Notum sit ergo vestrae inagnae Sanctitati, quod Leo Cardinalis et sanus et sospes peruenit, delegatus a Vestra Sanctitate, — quinta decima die mensis Octobris (al. Septembris). Consecrauit me in Patriarcham mense Nouembris septimo die, in festiuitate scilicet S. Apostoli Iacobi, fratris domini — octauo vero die eiusdem mensis, in festiuitate videlicet S. Michaelis , coronauit et benedixit Irnperatori Calo-Ioanni , domino omnium Bulgarorum atque Blachorum. " Apud Baluz. Gest. Inn. III. p. 42. A. Ch. 1204. Idem Innocentius Episcopam Quinque - Ecclesiensem , criminis incestus accusatum , ab Episcopis vero Hungariae excusatum , vt omnem deinceps mali suspicionem auertat , monet. Venerabili Fratri — — — Quinqueecclesiensi Episcopo salutem et Apostolicam benedictionem. Licet multotiens ab illo crimine detestabili