Fejér, Georgius: Codex diplomaticus Hungariae ecclesiasticus ac civilis. Tomus II. (Budae, 1829.)

A. Ch. 1198. Idetn Innocentius priuilegia , et indulgentias Ecclesiae Strigoniensi concessas , confirmat. N. Strigoniensi Archiepiscopo. Quia te tanquam praecipuum sacrosanctae Romanae Ecclesiae membrum, et venerabilem fratrem diligimus , et tolis in Christo visceribus amplexamur; tuis desideriis grato concurrentes assensu, petitiones tuas ea, qua decuit, affectione recepimus, et earum tenore plenius considerato, quantum cum Deo potuimus , ctirauimus executioni mandare, et deuotionis tuae feruorem, quem ad Romanam Ecclesiam et nos specialiter habere dignosceris, studiosius commendantes, tam priuilegia Ecclesiae tibi comissae, cauonice a nostris praedecessoribus concessa, quam etiam indulgentias, vel alia quaelibet regalia scripta, saluis Romanae Ecciesiae priuilegiis , et indulgentiis, auctoritate apostolica illibata praecipimus et inconcussa manere. Nulli ergo etc. Datum etc. II. Nonas Iunii. Ibid. F. CXIII. p. 1. Katona Tom. IV. p. 502. A, Ch. 1198. Idem Innocentius Clerico Strigoniensi de periurio consultus rescribit. Magistro Apoll. Breui sedem apostolicam sciscitatus es quaestione, vtrum ille, qui iura alicuius ecclesiae seruare, ac pro posse defendere iuramento tenetur, si necessitate imminente, sub debito iuramenti, ad lioc fuerit requisitus, et nolens hoc facere , ad sedem apostolicam duxerit appellandum , periurii reatum incurrat. Nos autem quaestioni tuae taliter respondemus: quod in hoc articulo appellantem a periculo talis appellatio non excusat; iinrno, nisi aliqua diflicultas obsistat, pro21 *