Fejér, Georgius: Codex diplomaticus Hungariae ecclesiasticus ac civilis. Tomi XI. (Budae, 1844.)

imperiales infulas assumptas in Hungariam rediret, in ipso regno Hungariae Palatinatus officio fungens, et vice regia regni gubernacula administrans, vitae laudabilis progressum laudabiliori fine concluserit, nunquam tamen in eiusmodi fidei sinceritate eidem Domino Imperatori seruanda quidquam inueniri vel notari potuit, tepidum seu minus plenum. Ipse quoque Ladislaus Banus paternae virtutis imitator, dicto Domino Sigismundo Imperatore agendis suis imperialibus impiicato et extra regnum Hungariae fideliter adesse aspirans, primo in Morauiam Haereticos, deinde in regnum Boznae, et tertio in Rasciam contra Turcas banderia sua cum decenti gentium suarum armatarum copia , sumptibus propriis expediens aptissime referta transmisit. Postremo saepe memorato Sigismundo lmperatore socero nostro, dum aeternae praedestinationis terminus, nulli unquam mortalium praeuideri concessus affuit, ex liuius vitae cursu emigrante , nobisque eiusdem supernae dispositionis arbitrio in locum et solium patrium eiusdem Domini Sigismundi Imperatoris iure geniturae supra memoratae Serenissimae Principys Dominae Elisabeth, consortis nostrae, feliciter succedentibus, idem Ladislaus Banus paternae fidei continuans indicia, magno fratrum et familiarium suorum agmine conducto, nostrae Maiestatis in conspectum adueniens, fideique suae sinceritatem primatialiter ostendens , in rerum nostrarum gerendarum primordiis non modica Maiestati nostrae subministrauit auxilia, et fidei suae inuiolabilem constantiam apertis indicys demonstrauit, ex quibus animus noster regius futurae suae fidei certitudinem sumens mentem nostram inducit ad ipsius Ladislai Bani merita paternis et propriis virtutibus adornata, munificentia regia proscquenda.