Fejér, Georgius: Codex diplomaticus Hungariae ecclesiasticus ac civilis. Tomi XI. (Budae, 1844.)

dictionem aliquam sibi poterit vendicare; sed ipse Plebanus in spiritualibus ad nostrum pertinebit examen, informandus per nos in his, in quibus eundem informare, seu reformare iudicabimus, secum vnum, quem voluerit de ecclesiae nostrae Canonicis, qui nobis displicere non debeat, iure Patronatus sibi competenti, secundum ius et laudabilem terrae consuetudinem praesentabit, quem confirmare tenebimur in Plebanum, recognoscentes, vt tenemur ad plenum, quod ius patronatus in ecclesia praefata dicto Domino nostro regi competat, ad cuius instantiam et petitionem specialem dilectum filium Hyppolitum, Sacerdotem Dominae Reginae innioris (Elisabethae) charissimae consortis Domini nostri regis Stephani, Capitulum , in Ecclesiae nostrae Canonicum iam pridem receptum, et plenum ius canoniae, prout decuit, assecutum , per ipsum regem praesentatum, et per nos examinatum, et inuentum idoneum, saepe dictae Ecclesiae S. Jacobi de Saaros confirmauimus, canonice in Plebanum, de totius capituli nostri, vt praedictum est, consilio et consensu , ipsumque in corporalem possessionem et ius plebaniatus eiusdem fecimus introduci; praeterea omnes alias ecclesias omnium aliarum villarum adiacentium, dicto praedio Saros, a iurisdictione Archidiaconi similiter eximimus, excepto cathedratico duntaxat, quod proxime dictarum villarum Sacerdotes soluent Archidiacono Parochiali, nec in aliquo alio eidem Archidiacono, — sed in omnibus iudiciis et iuribus, et iurisdictionibus , ad nostrum iudicium pertinebunt, nec aliquod aliud debiti iuris seu iurisdictionis in ipsarum ecclesiarum Sacerdotes Archidiaconus vendicabit. Datum anno MCCLXXII.