Fejér, Georgius: Codex diplomaticus Hungariae ecclesiasticus ac civilis. Tomi XI. (Budae, 1844.)

tenti Deo hostiam. contulimus iubilationis, et laudis, tibique ista intimanda putauimus, vt nostrorum in Domino gaudiorum particeps factus, diuine pietati nobiscum gratias referas. Hortamurque, vt christiane deuotionis affectu per tuum dominium letanias et processiones, orationesque publicas fieri iubeas partim referendo gratias, pro acceptis a Deo muneribus, partim orando, vt complere dignetur Omnipotens opus suum, et barbaras nationes in sua feritate gloriantes, sub sacratissime christiane fidei iugum mittere. Et quum spes adeo leta sese vndique aperit, pio monemus afTectu, vt ad eripiendos ab infidelibus, a quibus indignissime opprimuntur, illarum parlium Christianos, nobiscum animos intendas. Jam enim Deo inspirante classem, terrestresque copias proximo vere parare intendimus, sperantcs , quod qui cepit in nobis opus bonum , ipse perficiet, ac per huiusmodi nostra studia a iugo miserabilis seruitutis catholicum gregem propicius ac benignus eripiet. Confidimus autem negocium facillime, felicissimeque successurum, per tuam, reliquorumque Principum opem et operam. Accingere ltaque fili, ardentique animo concurre, ad hec studia pietatis, ex quibus et in hoc seculo gloriam consequeris, et in futuro cum piis fidelibusque Principibus, qui ab initio Deo placuerunt , conscribi mereberis. Nos enim te per alias nostras litteras et nuncios requiremus, non ambigentes, nichil te a tua, maiorumque tuorum pietate ac nobilitate degeneraturum. Datum Florentie, Anno Incarnationis dominice Millesimo , quadringentesimo trieecimo nono, Nonis Juli. Pontificatus noslri anno nono. P. Sucius. — Dilecto filio Nobili viro Friderico, Duci Austriae. — Blondus." Chmel. >Iater. I. Regg. N. 231.