Fejér, Georgius: Codex diplomaticus Hungariae ecclesiasticus ac civilis. Tomi XI. (Budae, 1844.)

scimus et profitemur per praesentes, quod, quia fidelis noster, magnificus Georgius de Bozyn, sacram , Luius regni nostri Hungariae coronam, pridem per quondam serenissimum Principem, Dominum Albertum, Romanorum ac Hungariae etc. Regem, Dominum et conthoralem nostrum carissimum sub suo ac celerorum Praelatorum et baronum dicti regni nostri Hungariae conseruationi traditam et assignatam, maiestati nostrae simul cum omnibus paramentis et attinentiis, ad coronationem correquisitis, sub dictis quondam Domini nostri regis ac praelatorum, et baronum sigillis, sine defectu aliquali, in praesentiis fidelium nostrorum, Reuerendi in Christo Patris, Domini Benedicti, Episcopi Ecclesiae Jauriensis, ac magnificorum Deseu de Losoncz, Waiuodae Transsiluani, Comitis Stephani de Bathor , Judicis Curiae regiae, Michaelis Laakch (alias Jaakch) de Kusal, et Francisci de Chaak, Comilum Siculorum nostrorum, Stephani de Rozgon, alias Comitis Temesiensis, Joannis, filii Comitis Petri de Peren, Georgii Groff de Corbauia , magistri Curiae; Thomae de Zeech, thesaurarii nostrae Maiestatis, et Michaelis, filii Stephani de Zend , tradidit et assignauit. Ideo nos ipsum Georgium Grof de Bozyn superinde quittum et expeditum reddimus atque absolutum praesentium vigore et testimonio mediante. Datum Wissegradini, feria II. proxima ante Festum Beati Martini episcopi et confessoris Anno Domini MCDXXXIX. Et nos Benedictus, Jauriensis Episcopus, ceterique Barones praetitulati coronae et paramentorum praedictorum, pro coronatione regum requisitorum, restitutioni, per dictum Georgium Groff de Bozyn factae fatemur interfuisse, et praesentes extitisse. Datum loco, die etanno, quibus supra."