Fejér, Georgius: Codex diplomaticus Hungariae ecclesiasticus ac civilis. Tomi XI. (Budae, 1844.)

dictorum Regnorum nostrorum Regem, et maritum nostrum adamandum, sed et nostram Serenitatem: nunc denuo vigore aliarum Litterarum nostrarum et eorundem exinde realiter confectarum ab omni tributaria solutione de eorum rebus et bonis mercimonialibus, aut aliis quibuscunque in Locis tributorum nostrorum et vestrorum in dicto Regno nostro Hungariae ubilibet habitorum facienda efficacissime sunt supportati et exonerati. Igitur Universitatis vestrae et vestrum cuiuslibet fidelitati firmissime praecipiendo mandamus , quatenus a modo in posterum, dum et quando ac quotiescunque praefatos Cives etlncolas, ac Hospites memoratae Civitatis nostrae Posoniensis in necessaria victuum suorum aquisitione hinc inde proficiscentes ad vos, vel Yestrum aliquem pervenire contingerit, et se evidenti documento ac sufficienti testimonio eiusdem Civitatis nostrae Posoniensis Incolas et Hospites fore comprobaverint, extunc ab eisdem nullum tributum nullamve tributariam solutionem aut exactionem, petere, exigere, petique et exigi facere praesumatis, nec sitis ausi modo aliquali, sed ipsos simul cum universis eorum rebus et bonis tam, ut praemittitur, mercimonialibus , quam aliis quibuscunque libere, pacifice, quiete , indemniter ac absque omni tributaria solutione aut exactione abire, et progredi permittatis, et permitti facere modis omnibus debeatis. Aliud in praemissis non facturi, praesentes vero post earum lecturam reddi edicimus praesentanti. Datum Budae feria 3-a proxima post festum Beati Viti et Modesti Martyrum Anno Domini Millesimo Quadringentesimo Tricesimo Octavo (L. S.) Ex autographo membranaceo transumsit et communicavit Georgius Gyurikovits. Tom. XI. 10