Fejér, Georgius: Codex diplomaticus Hungariae ecclesiasticus ac civilis. Tomi X. Vol. 7. (Budae, 1843.)

quo nostra sacra fungitur religio. Quibus Kabitis volumus, quod vinea, seu prouentus eiusdem redeant ad vsum fratrum. Demum ad nostram deuenit notitiam, quomodo aliquae possessiones ad praedictum Conuentum pertinentes aliquando perduntur vel perdi possunt, propter defectum solutionis denariorum censualium Serenissimi Domini Imperatoris : quamobrem precamur quatenus vices Vestras addere velitis, et capere de melioribus prouentibus et fructibus censuum , agrorum , vinearum, seu quorumcunque bonorum praenominati Conuentus,et de liuiusmodi denariis satisfacere, donec clementer per Serenissimum D. Imperatorem aliter fuerit ordinatum. Et vt affectus Vestri in huiusmodi pietatis operibus magis ac magis inardescant, cupimus vobis in spiritualibus vicem refundere salutarem. Quare vobis omnibus, qui ad dictum opus soliciti fueritis, participationem concedimus, quantum cum Deo possumus, omnium Missarum, orationum, ieiuniorum, vigiliarum , abstinentiarum, praedicationum , confessionum, peregrinationum, laborum, caeterorumque bonorum omnium, quae per nos et Fratres nostrae totius sacrae religionis operari dignabitur clementia Saluatoris in vita pariter et in morte. Adiicientes nihilominus et de gratia speciali concedentes, vt, cum obituum Vestrorum memoria in nostro Generali Capitulo fuerit recitata , idem pro vobis fiet, quod pro Fratribus defunctis nostri ordinis in eodem fieri consuetum ; mandantes omnibus nobis inferioribus in virtute sanctae obedientiae, et sub poena rebellionis, quatenus in praemissis nullum vobis praestent impedimentum. In cuius rei testimonium , sigiltum nostri generalatus ofticii praesentibus est appensum. Datum vti supra, anno Domini Mil-