Fejér, Georgius: Codex diplomaticus Hungariae ecclesiasticus ac civilis. Tomi X. Vol. 7. (Budae, 1843.)

nostrum homiuem videlicet honorabilem Virum Magistrum Gallum , socium et Concanonicum nostrum, ad infrascriptam inquisitionem faciendam nostro pro testimonio transmisissemus fide dignum: qui demum exinde ad nos reuersi nobis concorditer retulerunt: Quod ipsi feria sec.unda proxima ante festum Natiuitatis B. Joannis Baptistae, proxime praeteritum , in Comitatu Albensi simul procedendo, ab omnibus, nobilibus scilicet et ignobilibus ac alterius cuiusuis status et conditionis hominibus, a quibus decens et oportunum fuisset, diligenter de infrascriptis inquirendo, talem comperissent certitudinis veritatem, quomodo Honorabilis Vir, Magister Johannes dictus Zekel, Canonicus Ecclesiae Sancti Nicolai Confessoris extra Muros castri Albensis, et rector Capellae Beati regis Lauislai, ad latus maioris Ecclesiae Beatae Mariae Virginis Albaeregalis fundatae, magnas particulas terrarum arabilium, prata seu foenilia , inter metas possessionis ipsorum Dios voca-tae , in dicto Comitatu Albensi existen. a plaga meridionali Ecclesiae Beatorum Petri et Pauli Apostolorum, in praefala possessione Dios constitutae, cuius iam lertia instaret reuolutio annualis, pro se ipso occupasset, occupatasque per Jobagiones et populos de possessione Feney falcari et arari fecisset potentia mediante in praeiudicium eorumdem Dominorum Cruciferorum et Ecclesiae damnum valde magnum. Datum septimo die diei inquisitionis praedictae. Anno Domini Millesimo quadringentesiino trigesimo quinto." E membrana originali.