Fejér, Georgius: Codex diplomaticus Hungariae ecclesiasticus ac civilis. Tomi X. Vol. 7. (Budae, 1843.)

CCXVI. Julianus S. A. Legatus, Cardmalis , vt Eperiesienses ad defensionem suae ciuitatis contra haereticos Bohemos diebus festiuis laborare possint, indulget. A. 1433. Julianus miseratione diuina S. R. E. Sancti Angeli Diaconus Cardinalis, in Germania etc. ApostoJicae Sedis Legatus, Dilecto nobis in Christo Plebano Oppidi Eperiesien. terrae Hungariae Agriensis Dioecesis, salutem in Domino sempiternam. Humilibus supplicum votis, illis praesertim, quae tuitionem , defensionem, et commodum fidelium oppressorum per haereticos de Bohemia conspiciunt, Iibenter intendimus, et ea, quantum cum Deo possumus, fauoribus nostris prosequimur opportunis. Ilinc e>t, quod nos deuotis dilectorum nobis in Chrislo Judicis, Juratorum et communitatis oppidi Eperies terrae Hungariae Agriensis Dioecesis supplicationibus inclinati, authoritate nostrae legationis, qua fungimur, discretioni tuae , quatenus cum praedictis oppidanis, praefata riostra auctorifate, dispensare possis, vt pro tuitione et defensione dicti oppidi, et praesertim causa dictis hereticis resistendi, qui nonnulla castra et fortalitia ipsis oppidis vicina per vim occuparunt, et nunc de facto detinent occupata operari in muris et fossatis, ac aliis locis defensiuis, ipsius oppidi, diebus festiuis, postquam in Ecclesia diuina officia — — prout necessitas exegerit, et conscientiae tuae videbitur expedire, laborare, et laborari facere possint, plenam tenore praesentium committimus facultatem ; ita tamen , quod non solum hos festiuos dies ad haec opera reseruent, sed aliis etiam diebus pro huiusmodi tuitione laborent. Datum Basileae A. D. MCDXXXIII." Ex. originali. Waguer Com. Saros p. 227.