Fejér, Georgius: Codex diplomaticus Hungariae ecclesiasticus ac civilis. Tomi X. Vol. 7. (Budae, 1843.)

Judicis et Juratorura, caeterorumque vniuersorum Ciuium , hospitum et iucolarum, ac totius communitatis praefatae Ciuitatis nostrae Kesmark , lamentabiliter nostrae patefecit Maiestati: quod dudum quidam perfidissimi Hussitae , haeretici Bohemi, praetactarum terrarum et partes nostras Scepusienses hostiliter subintrantes, et easdem non modica parte desolantes, praescripta nostra Ciuitate Kesmark obtenta, magnam ipsius Ciuitatis partem ignis voragine consumpsissent, tum etiam vniuersas res et bona praenarratorum ciuium, hospitum et incolarum ipsius nostrae Ciuitatis Kesmark, a maiori vsque ad minimum, non sine personarijm eorumaem nostrorum ciuium diris afflictionibus penitus et in toto auferentes asportassent; sicque eadem nostra Ciuitas adeo desolata esset, et deuastata: iidemque ciues et populi ad tantam egestatis inopiam, ac pene irreparabiiem paupertatem devenissent, quorum, nisi eisdem debita relaxatione et remissione censuum ipsorum, quibus nobis et ad cameram nostram regiam anno quolibet de eorum medio obligantur, in eorum egestatis subuentionem et releuamen ad tempus misericorditer prouideremus, ipsa et iidem desolationi et penuriis amplioribus irremedialiter subiacerent. Supplicatum itaque fuit nostro culmini pro parte eorumdem ciuium, et hospitum nostrorum, per nuncium ipsorum supra dictum, vt nos volis et supplicationibus eorumdem condescendentes, ipsorum penuriis et egestatibus misericorditer prouidere dignaremur. Nos igitur praemissis consideratis, super quibus, etiam aliorum fide dignorum veridicis relationibus edocti, plenam habemus noticiam, inclinati, illis omnibus Ciuibus, hospitibus, populisque et inhabitatoribus praetactae Ciuitatis nostrae Kesmark,