Fejér, Georgius: Codex diplomaticus Hungariae ecclesiasticus ac civilis. Tomi X. Vol. 7. (Budae, 1843.)

etate exauditis, easdemque ratas, gratas habentes atque firmas , praesentes nostras literas priuilegiales vna cum appensione nostri sigilli maioris Communitatis nostrae dedimus roboratas, in fidem et testimonium omnium et singulorum praemissorum. Data in Riuuli Dominarum in Vigilia festi Beatorum Petri et Pauli Aposlolorum. Anno Domini Millesimo Quadringentesimo octauo. Nos igitur humillimis et deuotis praefati Mathiae Presbiteri supplicationibus antefatis nostrae per ipsum, modo quo supra, oblatis culmini, regali benignitate exauditis et clementer admissis, praescriptas litteras annotatorum Judicis et Juratorum Ciuium dictae Ciuitatis Riuuli Dominarum, priuilegiales non abrasas, non cancellatas, nec in aliqua earum parte vitiatas, sed omni prorsus ambiguitatis scrupulo destitutas , praesentibusque verbaliter insertas, quoad omnes ipsarum continentias , clausulas, et articulos acceptamus, approbamus, et ratificamus; nihilominusque ob spem et deuotionem nostram, quam ad ipsum Sanctum Nicolaum , Episcopum et Confessorem, in cuius nomine praefata ecclesia dicti hospitalis in ipsa Ciuitate Riuuli Dominarum habita, foret constructa, cuiusque precum deuotarum suffragiis , ne dum in terris, verum etiam patria incoelesti, pie speramus confoueri, gerimus, et habemus, simul cum ipsa donatione dictae villae, aliisque omnibus et singulis superius in earumdem literarum tenore latius explicatis et contentis, cunctis , eisdem nostrum regium beneuolum consensum pariter et assensum adhibentes, mera authoritate regia, et poteslatis plenitudine ex certaque Maiestatis nostrae scientia, ac de consensu et beneplacito serenissime Principis Dominae Barbarae Reginae Conthoralis nostrae charissimae, Praelato-