Fejér, Georgius: Codex diplomaticus Hungariae ecclesiasticus ac civilis. Tomi X. Vol. 6. (Budae, 1844.)

CCCLXXX. Capitulum Albense prohibitionem, ratione terrae Tevel occupatae, contra Petrum ac Georgium Szerechen interpositam attestatur. An. 1426. Nos Capitulum Ecclesiae Albensis memoriae commendamus, quod religiosus frater Dominicus Crucifer Ecclesiae B. Regis Stephani de !Alba in sua et religiosorum Tliomae, Procuratoris et Conventus Cruciferorum iam praefatae Ecclesiae B. Regis Stephani personis, coram nobis personaliter constitutus, per modum protestationis et prohibitionis nobis significare curavit in hunc modum: Quomodo egregii Petrus et Georgius Zerechen, dicti ^de Mezthogenye , quamdam possessionem eorumdem Thomae Praeceptoris et Conventus Cruciferorum Tevel vocatam in Comitatu Tolnensi existentem, habitam, minus iuste et indebile pro se ipsis occupassent, occupataque uterenlur, etiam de praesenti in praeiudicium, iurisque derogamen et damnum eorumdem Praeceptoris et Conventus valde magnum. Qua protestatione sic facta memoratus frater Dominicus Crucifer nominibus et in personis antefatorum^ Praeceploris et conventus praehbalos Petrum et Georgium Zerechen dictos et alios quoslibet a praemissa indebita occupatione et detentione praedictae possessionis eorum Tevel vocatae, fructuum quoque et quarumlibet utilitatum eiusdem perceptione seu percipi factione, quomodolibet factis aut fiendis prohibuit contradicendo et contradixit inhibendo, publice et manifeste, coram nobis praesentium testimonio mediante. Datum in festo B. Georgii Martyris. Anno Domini MCCCCXXVI. E raembrana originali.