Fejér, Georgius: Codex diplomaticus Hungariae ecclesiasticus ac civilis. Tomi X. Vol. 6. (Budae, 1844.)

apostolicas efficaces in terraino ulteriori sibi dando exhibere posse et velle allegasset, quas in primo termino sibi dato exhibere non curans, cum easdem in secundo termino cum gravamine consueto exhibere debuisset, quasdam liteias Serenissimi Principis Domini Sigismundi, Romanorum, Hungariae, Bohem. etc. Regis, tacita veritate et subrepticie per ipsum Dominum Praepositum medio tempore procuratas, ipsique Domino Stephano Vicario, ne in ipsa causa ulterius procedere deberet, praeceptorie loquentes, eidem Vicario praesentasset, quibus visis ipse Dominus Vicarius mandatis regiae Maiestatis obtemperans in causa praemissa ulterius minime processit. Supplicans nobis ipse Dominus Nicolaus Archidiaconus quatenus causa in praemissa, ex parte dictorum praepositi et sui conventus sibi iudicium et iustitiam facere dignaremur. Et quia iustitiam, prout tenemur, unicuique administrare intendimus, ideo nos antedictus vobis Dominis supradictis et cuilibet vestrum in solidum in virtute sanctae obedientiae et sub excommunicationis poena, quam trina et canonica monitione praemissa, nisi feceritis, quae mandamus, authoritate apostolica ferimus in his scriptis districte tenore praesentium praecipimus et mandamus, quateuus visis praesentibus, postquam fueritis requisiti, seu alter vestrum fuerit requisitus , sine dilatione ad praefatos Dominum Ladislaum Praepositum et Conventum Monasterii de Saagh, praedictos personaliter accedendo, eisdemque verbo nostro seriosius committere debeatis, ut ipsi in Synodo proxima, hic in Strigonio celebranda cum omnibus iuribus, libertatibus universis et literalibus instrumentis, si qua et quid in facto praedictarum Ecclesiarum parochialium habent, ad instantiam praetacti