Fejér, Georgius: Codex diplomaticus Hungariae ecclesiasticus ac civilis. Tomi X. Vol. 6. (Budae, 1844.)

bilis generositas, nec non praeclarissimorum et fidelium servitiorum, laudum praeconio attollenda merita, quibus progenitores tui et consequenter in diversis nostrorum praedecessorum regiun, ut puta Hungariae et nostris, regnorumque nostrorum praedictorum validis agendis, et expeditionibus difficillimis, sicuti prosperis sic et adversis , sincero fidelitatis fervore, consilii maturitate, alacritate assidua, devotionis eximia constantia, sub diversitate locorum et temporum, et praesertim in regno nostro Bosnae sub castro nostro Dobor vocato, ubi a Bosnensibus, tunc nostris notoriis aemulis, in tuis manibus, quarum cicatrices etiam de praesenti evidenter apparent, lethalibus fuisti vulneribus sauciatus, et expost in Lombardia et Alemannia, ac in praedicti regni Bohemiae, ubi a Y\ icleflistis seu Bohemis haereticis, viam erroneam quondam Joannis Wicleff haeretici , per sacrosanctam universalem ecclesiam diu damnati, per totum ipsum regnum nostrum Bohemiae dogmatizantes, in conflictu cum eis per nostros fideles ante civitatem nostram Neuburg appellatam, commisso aliud vulnus in tua facie, per cuiusdam cuspidis ictum, cuius similiter cicatrix etiam pronunc cuilibet intuenti patet evidenter, gravius sustinuisti, aliisque quam pluribus mundi partibus, quas praecipue pro reformatione status ipsius sacrosanctae universalis Ecclesiae et sacri Romani Imperii nuper superna favente clementia votive perluslravimus, et schismate pestifero, quod in Ecclesia Dei satis diu durarat, exstirpato, ipsam universalem ecclesiam a diu optatae unionis ad statum reduximus et reposuimus, celsitudini nostrae laudabiliter studuisti coram multis principibus et dominis terrarum diversarum, ad summum nostri regii culminis honorem