Fejér, Georgius: Codex diplomaticus Hungariae ecclesiasticus ac civilis. Tomi X. Vol. 6. (Budae, 1844.)

qua Dalmatiae vna Judices, e Ludoviei M. munificentia, nonnullas insulas (ibid. art. 12.) et salarium, e tricesimis regiis proventus, a Sigismundo commemoratos, obtinuerant, e quibus Banderium suum palatinale tenere obligati. Cf. constitutionem Sigismundi de Banderiis, ad quam provocatum fuit articulo 6. decreti anni 1459. Ad victualia, congregationum generalium occasione, sibi praestanda nobiles ac cives cogere inhibiti. Cf. Codicem. 2.) Comes curiae regiae. Provida ducum, regumque nostratium oeconomia non sunt terrae armorum virtute aquisitae omnes militibus distributae, sed illarum in singulis provinciis pars prope tercia, vsibus Principum ac necessitatibus regni reservatae et indigenis, ac hospitibus, certis sub conditionibus, jure vsus fructuarii, concessae. Horum aulae conditionariorum, colonorum ac hospitum fuerat primitus Judex Supremus distinctus, Curiae regiae Judex compellatus. Cf. Cod. t. I. Regni Palatino seu belli, seu aliis expeditioni* bus distento, causae etiam nobilium coeperant in regales curiae Judices devolvi; mox aequo cum Palatinis jure per ipsos dijudicari; taliter sunt Comites curiae regiae cojudices cum Palatinis, vice regia, effecti, ideo p r a e s e n t i a etiam regia compellati, proximi aulae ministeriales, item Barones regni.— Verbticzy I. 94.