Fejér, Georgius: Codex diplomaticus Hungariae ecclesiasticus ac civilis. Tomi X. Vol. 5. (Budae, 1842.)

merae, Nostrae Serenitatis accedens conspectum, nostro culmini obnoxius supplicando, declarauit in hunc modum: Quod cum praedictum castrum suum seu fortalitium Kapy, in Comitatu de Saros ab antiquo constructum et aedificatum , propter nimiam ipsius vetustatem et insolentem procurationem iam fere ruptum habetur; Igitur attentis suis praetentis fidelibus obsequiis, sibi seu suis heredibus, hanc specialis gratiae Nostrae praerogatiuam annuere dignaremur, vt ipse vel iidem praedictum Castrum in praeallata Kapy situm , funditus euertendi, destruendi, et prorsus abolendi, locoque eiusdem aut alterius, vbi ipse, seu dicti sui heredes in pertinentiis praedictae Kapy voluerint, seu maluerint, aliud Castrum seu fortalitium denuo construendi et aedificandi haberent facultatem. Nos itaque sicuti praemissis fidelibus obsequiis et sinceris complacentiis memorati Magistri Andreae, per ipsum nostro culmini locis et temporibus oportunis laudabiliter et constanter exhibitis, et impensis, sic etiam pro vberiori regni nostri, immo incolarum eiusdem tuitione, eidem et per eum suis heredibus hanc specialis nostrae gratiae praerogatiuam perpetuo duraturam, annuendam duximus et concedendam; immo ex certa scientia et de plenitudiue nostrae regiae potestatis, praesentibus annuimus et concedimus, vt iidem Magister Andreas, seu sui heredes praefatum castrum euertendi, destruendi et fuuditus, vt suae seu ipsorum voluntati consonum visum fuerit, abolendi, ibidemque seu alias, vbi ipse, seu lidem in pertinentiis eiusdem Kapy voluerint seu maluerint, aliud Caslrum, seu Fortalitium , de lapidibus seu lignis construere et aedificare , constructumque et aedificatum, sub iisdem libertatum priuilegiis,