Fejér, Georgius: Codex diplomaticus Hungariae ecclesiasticus ac civilis. Tomi X. Vol. 4. (Budae, 1841.)

Romani Imperii Arehi-Camerarius, nec non Bohemiae, ac Lucemburgensis haeres. Vniuersis Christi fidelibus presentibus pariter et futuris, presentium notitiam habituris, salutem in salutis largitore. Mansuetudinis excellentiae nostrae regalis diadematis serto praesignitum in terris tale cum honore onus sumpsit e supernis, hanc nobis indidit dignitatem officii, vt cunctos regimini nostro subditos, oculis mansuetudinis intuentes, sicut in eorum tranquillitate gratularemur, sic de eorum quieta dispositione iugiter meditemur, restaurando destructa, etabolita, si qua sunt vtilia, in Vsus assiduos, cum additamento renouando nouarum gratiarum. Quatenus sic dirigamus terreni officii nostri gubernacula, vt post haec aeterni regni et immarcescibilis coronae, quam totis exoptamus affectibus, brauio potiri valeamus. Sane ad uniuersorum, tam praesentium quam futurorum, notitiam harum serie volumus peruenire. Quod Antonius, filius Aegidii de Szentkiraly, Paulus fdius de Mitke, et Nicolaus fdius Michaelis de Draagh, praediales seu Nobiles Ecclesiae Colocensis, nostrae Maiestatis accedentes in praesentiam et conspectum, suis et vniuersorum aliorum praedialium eiusdem Ecclesiae Colocensis nominibus facunde declararunt: quod quamquamipsi a tempore sancti Stephani Regis et aliorum Begum Vngariae, praedecessorum nostrorum beatarum recordationum semper certis et limitatis libertatibus et praerogatiuis vsi fuissent, atque freti; tamen nonnulli officiolatus, et exactiones dationum sumentes et aliter de personarum qualitatibus et conditionibus censendi occasionem habentes, ipsos quoque inter simplices populos molirentur nominare; illorum ad instar popularia negocia cum ipsis peragere satagendo; sup-