Fejér, Georgius: Codex diplomaticus Hungariae ecclesiasticus ac civilis. Tomi X. Vol. 4. (Budae, 1841.)

aliquot Jazygum ac Cumanorum legionibus, comite rursum Alberto, per Posonium ac Viennam, ad Jodocum persequendum, Bohemiam — inauspicatissime — repetit. Emericus enim Bubek Prior castrum Auranae leuiter oppugnatum Almarisco prodit XII. Octobris; Sibenicum, Tragurium, ac Spalatum XIX. No vembris, ac diebus subsequis ad dcficiendum trahit. E Dalmatia seditio inCroatiam propagatur. IUa Februarii A. 1403. Emericus Bubek ac Joannes Hervoya Paulum Bissenum caedunt, capiunt, ac mulctati caput ceu insigne triumphi Neapolim mittunt. Slauonii proprium sibi praestituunt Banum Zagrabiensem episcopum. In Hungaria Joannes de Lindva trans — Stephanus de Debro cis Danubium, Ladislai vexillum eleuant: caedibus, incendiis, spoliis complentur omnia. Hac quoque vice regni ac regis salus mentium discordia discrimine fuit expedita: Praelati, Barones, Proceres, Nobiles IV-a Aprilis Zalathnae, in Comitatu Crisiensi, quinque supra quinquaginta collecti, pactiyn successionis, fide ac manibus CXII. subscriptum, ac signatum, rescindunt, ac Wladislaum Poloniae regem euocanduin decernunt. Alii in arce Posega, potiores ac plures XXIV-a Maii Ladislaum Neapolitanum exposcunt, Albae coronandum, tributis eidem adtributis, statuunt. Alii denique Sigismundo fidem illibate seruandam vouent.