Fejér, Georgius: Codex diplomaticus Hungariae ecclesiasticus ac civilis. Tomi X. Vol. 4. (Budae, 1841.)

CXXXI. In congregatione Crisiensi omnes Ladislao Neapolitano. falsa et inepta corona coronato, studentes, publicatis bonis proscribuntur. A. 1404. Nos Eberhardus Episcopus Ecclesiae Zagrabiensis, Joannes de Maroth, Banus Machouiensis , Ladislaus de Gordova et Paulus Byssenus de Ezdtbegche, regnorum Dalmatiae, Croatiae, Slauoniaeque Bani, memoriae commendantes tenore praesentium significamus, quibus expedit, vniuersis. Quod, quia plurimi forent nobiles, qui his disturbiorum temporibus — potentiis aggregatis, rebusque, consiliis, et toto posse contra serenissimum Principem dominum Sigismundum. Regem Hungariae, Dalmatiae, Croatiae, etc. dominum nostrum naturalem — — acriter insurgendo, in despectum et dedecus suae regiae Maiestatis, Ladislaum , filium Caroli, regem Siciliae, in praedictum regnum Dalmatiae, in Ciuitate videlicet Jadra producendo, eundem cum quadam falsa et inepta corona coronando , ipsum Dominum nostrum Sigismundum Regem — — sua sacra corona totis ingeniis et potentiis priuare intendentes etc. (Pollicentur aduersus tales concepta verborum forma, Sigismundum se omnibus viribus tuituros). Datum Chrisii feria VI. proxima, octauo scilicet die congregationis praedictae. Anno M-o CCCC. IV-o. In hac Congregatione omnes Ladislao fauentes publicatis bonis proscripti sunt. Apud Pray Hierarchiae Sacrae II. p. 348.