Fejér, Georgius: Codex diplomaticus Hungariae ecclesiasticus ac civilis. Tomi X. Vol. 4. (Budae, 1841.)

\ty 92 deputatos , et propter tales liunas Vidimus nuncupatas , saepius impetrantes ipsi earumdem literarum nequeant consequi effectum, propterea huiusmodi concessionem dictis Praelatis faclam, et literas Apostolicas super ea confectas (prouide atlendentes, quod tendunt ad normam) ac statuta quaecunque super eis facta reuocamus , cassamus, et annullamus, ac uolumus, ac decernimus, quod Judices et Executores quicunque in litteris Apostolicis deputati, et deputandi, ac Notarii, et Tabelliones super his requisiti, et requirendi, absque huiusmodi litera Vidimus nuncupata, et absque licentia seu consensu quorumcunque Praelatorum seu Superiorum, aut Officialium libere huiusmodi literas Apostolicas exequi possint, et debeant, ac omnes et singulas censuras, quas Praelati uelSuperiores aut eorum Officiales huiusmodi contra Judices, uel Executores praedictos propter executiones ipsas huiusmodi per eos faciendas infligerent, seu promulgarcnt, decernimus irritas et inanes, nulliusque existere roboris, uel momenti. Item cum dudum Nos ad importunam nonnullorum instantiam concesserimus pluribus Personis literas Familiaritatis nostrae, in quibus continetur, quod ipsi possint et debeant gaudere priuilegiis, quibus gaudent familiares nostri continui domestici commensales; uolumus, et declaramus, quod praetextu talium litcrarum quibusuis concessarum sub quacunquc forma vel expressione uerborum , etiamsi essent factae motu proprio , illi, qui tales literas obtinuerunt, nullo modo gaudeant dictis priuilegiis, nisi duntaxat illi, qui reuera sunt Familiares nostri continui, et domestici Commensales.