Fejér, Georgius: Codex diplomaticus Hungariae ecclesiasticus ac civilis. Tomi X. Vol. 3. (Budae, 1838.)

CCIV. Comites de Themes et Krasso, in congregatione generali prope Themesvar celebrata Nicolao literato pro nece Patris sui Jacobi, obligatis marcis sexaginta satisfactum fuisse, compositione mediante^ testantur. 1399. Nos vterque Nicolaus, filii Stephani, Comites Themesienses Judices Cumanorum, ac inter cetera Comitatus Crassouiensis tenentes honorem, memorie commendamus tenore praesentium significantes, quibus expedit vniuersis: Quod in congregatione nostra generali vniuersitatis Nobilium, dictorum Temesiensis et Crassouiensis comitatuum feria secunda proxima post Festum omnium Sanctorum ex speciali regia commissione prope ciuitatem Themesvar celebrata, Nicolaus Literatus , filius Jacobi, fily Etnerici de Szenthgjurgy de medio aliorum exurgendo proposuit eo modo: quod Johannes , filius Mayus de Ozlar, in anno , cuius iam duodecima instaret reuolutio ex praeconcepta rancoris malitia , manibus armatis, et potentiariis, cum vniuersis suis Jobbagionibus ad domum eiusdem Jacobi, patris sui, in dicta Szentgyurgy silam irruendo, et eandem decremando, dictum Jacobum patrem suum cum vno famulo suo ibidem miserabili nece interemisset potentia sua mediante. Et id exhibitione quarumdam litterarum noslrarum affirmatoriarum octauo die congregationis nostre predicte emanatarum comprobando, sibi ex parte dicti Johannis per nos iuris equitatem petiuit in preimissis elargiri. Quo audito mernoratus Johannes in nostram exurgendo praesentiam respondit ex aduerso: vt ipse in totali praemissa actione et acquisitione dicti Nicolai literaria, innocens esset penitus et immunis. Et cum nos partes inter praedictas iudicium et iusticiam facere 15 *