Fejér, Georgius: Codex diplomaticus Hungariae ecclesiasticus ac civilis. Tomi X. Vol. 3. (Budae, 1838.)

possessionarie introductionis et statucionis seriem cum nominibus contradictorum et citalorum, si qui fuerint, terminoque assignato, nostre speciali fideliter rescribatis maiestati, presentes autem propter absentiam Venerabilis Patris Domini Johannis Archiepiscopi Strigonien. aule nostre Cancellarii, et sigillorum nostrorum erga ipsum habitorum sigillo eiusdem fecimus consignandas. Dat. in Wyssegrad, Sabbatho proximo post festum Corporis Christi. Anno eiusdem M. CCC. nonagesimo tertio. Vnde nos mandatis vestre maiestatis in omnibus obedire pupientes, ut tenemur, una cum prefato Georgio, filio Mych, homine vestre Celsitudinis, nostrum hominera, videlicet fratrem Johannem (?) sacerdotem unum ex nobis ad premissa peragenda transmisimus fide dignum, qui demum ad nos exinde reversi, nobis concorditer retulerunt, quod ipsi in festo beate Marie Magdalene proxime preterito, ad facies dictarum porcionum possessionariarum in predictis possessionibus Myklosy et Bernel ac Lucateleke, Vary et Talyo vocatis habitarum, vicinis et commetaneis ipsarum vniuersis inibi legitime convocatis et presentibus accedendo introduxerint prefatum Leustachium in dominium earundem statueritque easdem eidem Leustachio iure sibi incumbenti perpetuo possidendas nullo contradictore penitus inibi apparente, legitimis diebus in eisdem perseuerando. In cuius rei memoriam, firmitatemque perpetuam presentes concessimus literas nostras priuilegiales pendentis et authentici sigilli nostri munimine roboratas. Datum duodecimo die diei statutionis prenotate anno supradicto." L. Sigilli e zona rubea pendentis sat bene conseruati, inscriptione tamen exesa. E tnembrana orig. collect. Nic. Jankovics.