Fejér, Georgius: Codex diplomaticus Hungariae ecclesiasticus ac civilis. Tomi X. Vol. 2. (Budae, 1834.)

pore cuiusdam guerrae ab eodem Lotliardo, filio Omodei, ablatam, et Comiti Henrico, filio Djonisii, collatam extitisse, et tandem ipsi Lothardo dicta Dom. regina humillima supplicante, sibi restitutam, ac per hominem regium praesente Iauriensis Ecclesiae Capituli testimonio , legitime restitutam declarasset. Ad vltimum etiam litteras eiusdem Domini Nicolai Kunth Palatini, affirmatorias in dicta congregatione eiusdem Poson. et Mosonien. Comitatuum, sexto die congregationis eiusdem patenter emanatas praesentasset, per quarum tenorem praedictam possessionem Beus in dicto Comitatu Poson. habitam, suam et praedecessorum suorum esse et fuisse , omnique iuris tramite ad ipsos pertinere, in eiusdemque dominio auum et patrem suum, et per consequens se ipsum quiete permansisse, attestatione et affirmatione Iudicum Nobilium et Iuratorum Assessorum, dicti Comitatus comprobasset. Quibus visis et perlectis, ac suo modo seriose expositis ipse Dominus Palatinus eandem possessionem Beus vocatam, vigore praemissorum litteralium instrumentorum eidem Magistro Omodeo pertinentem fore, agnoscens, de Praelatorum et Baronum, ac quam plurimorum regni Nobilium, secum in adiudicatione ipsius causae adhaerentium, inductus consilio, eidem Magistro Omodeo et suis posteritatibus perpetuo possidendam adiudicando commisisset et reliquisset patrocinio dicti sui priuilegii mediante. Quarum quidem litterarum per praedictas partes coram nobis productarum exhibitionibus factis, praedictisque partibus se facto in praemisso nulla plura instrumenta praeter praedicta exhibita, habere et nunc vel in futurum exhibere posse refe-