Fejér, Georgius: Codex diplomaticus Hungariae ecclesiasticus ac civilis. Tomi X. Vol. 2. (Budae, 1834.)

Ecclesia aedificato et construclo degenlium personis, quod vos dictum hospitale sub ordine Sancti Antonii, et non Sancti Spiritus fuisse et esse constructum, atque vobis, et Vestrae iurisdictioni immediate fore subiectum praetendentes, ipsum pro vobis occupare niteremini et velletis, diuersas molestias et perturbationes praedictis ciuibus et vniuerso populo, ratione praedicti Hospitalis inferendo, in praeiudicium dictorum ciuium et populi valde magnum; vnde cum fama publica et et singulorum habitatorum dictae ciuitatis communi asserto id dicatur affirmari, quod saepefatum hospilale ab initio suae fundationis in honore Sancti Spiritus in praenotata ciuitate nostra fuisset et esset constructum, fundatum et aedificatum; ideo fidelitati vestrae firmissimo damus regio sub edicto: quatenus a modo et deinceps praefatos ciues, et vniuersum populum ciuitatis saepefatae, de et super hospitali praefato nullo modo molestare, perturbare seu inquietare praesumatis, nec sitis ausi modo aliquali; sed sinatis hospitale praelibatum sub iure, quo hactenus fuisset obseruatum, libere et absque quouis impedimento in eadem ciuitate permanere et aliud sub obtentu gratiae nostrae facere non ausuri in praemissis. Praesentes etiam post earum lecturam semper reddi edicimus praesentanti. Dalum Cassouiae praedictae, in Dominica Ramis Palmarum. Anno Domini Millesimo trecentesimo nonagesiino nono." Wagner Anal. P. Ilt. p. 168—9.