Iványi Béla: Oklevéltár a Tomaj nemzetségbeli losonczi Bánffy család történetéhez. II. 1458–1526. (Budapest, 1928.)

praesentium notitiam habituris salutem in omnium salvatore. Ad universitatis vestrae harum serie volumus devenire notitiam, quod egregius Ladislaus Banfy de Lossoncz onera et quaelibet gravamina Nicolai, Bernardi, Ladislai et Gabrielis filiorum, ac puellarum Magdalenae et Annae filiarum, aliorum etiam cunctorum fratrum, proximorum et consanguineorum suorum, quos praesens et infrascriptum tangit seu quomodolibet in futurum tangere posset negotium super se assumens, coram nobis personaliter constitutus sponte et libere confessus est retulitque in hunc modum. Quomodo ipse matúra intra se deliberatione praehabita totales portiones suas possessionarias in possessionibus Zemesnye, Orozmezew, Kewrthwelyes, Fodorhaza, Thewkees, Salygo, Thothfalw et Igryczy vocatis, in comitatu de Zolnok Interior existentibus habitas, simul cum cunctis utilitatibus et pertinentiis quibuslibet, terris scilicet arabilibus cultis et incultis, agris, pratis, campis, pascuis, fenetis, fenilibus, silvis, nemoribus, rubetis, virgultis, aquis, fluviis, rivis, aquarumque decursibus, molendinis, piscinis, piscaturis, molendinorum et piscinarum locis, montibus, vallibus et vinearum promontoriis, generaliter vero quarumlibet utilitatum et pertinentiarum earundem integritatibus quovis nominis vocabulo vocitatis, ad easdem de iure et ab antiquo spectantibus, pertinereque debentibus, egregio Paulo literato de Podwynya et dominae Sophiae consorti eiusdem, filiae videlicet egregii quondam Christoferi literati de Kecheth-Zyl wa s haeredibusque et posteritatibus ipsorum utriusque sexus universis pro florenis mille et ducenti plene — ut dixit — ab eisdem receptis iam et levatis dedisset, vendidisset, inscripsisset, contulisset et perpetuasset iure perpetuo et irrevocabili in filios filiorum et haeredum per haeredes, tenendas, possidendas pariter et habendas, nullum ius, nullamve iuris et dominii proprietatem praefatus Ladislaus Banfy in eisdem sibi ipsi de caetero reservando, sed totum et omne ius, omneque iuris et dominii proprietatem in praefatum Paulum literatum et dominam Sophiam consortem eiusdem, ac haeredes et posteritates eorum praescriptos transtulisset, iurique eorum ascripsisset prout dedit, vendidit, inscripsit, contulit, perpetuavit, transtulit et ascripsit coram nobis pleno cum effectu; assumens nichilominus jam-