Iványi Béla: Oklevéltár a Tomaj nemzetségbeli losonczi Bánffy család történetéhez. II. 1458–1526. (Budapest, 1928.)

fratrum, proximorum et consanguineorum suorum super se assumendo proposuit et sponte confessus est in hunc modum: Quomode ipse animadvertens et considerans vitae huius humanae conditionis subitam et variabilem commutationem, ut dum vivere nobis esset dulcissimum, eotunc impia mors nulli parcendo nunc senes nunc iuvenes absque omni ordine passim in dies intercipit tollitque de medio, nolens igitur idem Andreas Banffy, si ipsum temporum in successu divino nutu, quo cuncta gubernantur, ab hac luce absque haeredum solatio decedere contigerit, ut generosa domina Sophia, consors sua, filia videlicet egregii condam Petri Kys de Koloswar per successores ipsius Andreae Banffy de rebus et bonis atque iuribus suis possessionariis ubilibet existentibus, solutione dumtaxat dotum et rerum suarum parafernalium iuxta regni huius consuetudinem eiciatur et excludatur, bona ac matúra in se deliberatione praehabita totales portiones suas possessionarias in castro Walko nunccupato in comitatu de Krazna adiacenti et suis universis pertinentiis habitas aliaque universa bona et iura sua possessionaria tam in eodem comitatu de Krazna, quam etiam in partibus Transsilvaniae habita et adiacentia simulcum cunctis ipsarum utilitatibus et pertinentiis quibuslibet, terris scilicet arabilibus, cultis et incultis, agris, pratis, pascuis, fenetis, silvis, nemoribus, aquis, fluviis, piscinis, piscaturis, molendinis et eorundem locis, montibus, vallibus, vineis vinearumque promontoriis, generaliter vero quarumlibet utilitatum et pertinentiarum suarum integritatibus, quo vis nominis vocabulo vocitatis, ad easdem portiones suas et iura sua possessionaria de iure et ab antiquo spectantibus et pertinere debentibus praefatae dominae Sophiae, consorti suae pro duobus milibus florenis auri inscripsisset et impignorasset, immo inscripsit et impignoravit coram nobis tali modo, quod dum et quando temporum ut praefertur in processu ipsum Andreám Banffy absque haeredum soiatío ab hac luce decedere contigerit aliquique fratrum et successorum eiusdem ipsam dominam Sophiam de dominio praescriptarum portionum possessionariarum et iurium possessionariorum eicere et excludere vellent et nitterentur, extunc non aliter nisi prius persolutis eidem praescriptis duobus milibus florenis auri de dominio earundem et eorundum eicere et exclu-