Iványi Béla: Oklevéltár a Tomaj nemzetségbeli losonczi Bánffy család történetéhez. II. 1458–1526. (Budapest, 1928.)

positura Budensi, dummodo in eadem aliquis altér ius quaesitum non habeat, ac in quantum de iure et legitime facere possumus, auctoritate nostra ordinaria duximus canonice instituendum et confirmandum, tenoreque praesentium instituimus et confirmamus, atque eidem iuxta mandatum regiae maiestatis de eadem praepositura providemus, curam, régimén et administrationem ipsius praepositurae ac iurium et pertinentiarum eiusdem in temporalibus et spiritualibus sibi plenarie committendo, ac honorabilem magistrum Johannem de Waradino canonicum praetactae ecclesiae Budensis procuratorem suum legitimum et eo nomine pro ipso domino Sigismundo ad hoc sufficiens mandatum habentem, ccram vobis constitutum et genuflexum per birreti nostri capite suo impositionem investiendo de eodem, recepto tamen primitus ab eodem magistro Johanne procuratore iuramento, per ipsum in manibus nostris ad sancta dei evangelia in animam praedicti domini Sigismundi principális sui corporaliter praestito, quod idem nobis et successoribus nostris archiepiscopis canonice intrantibus, ac nostris et eorum vicariis pro tempore constitutis fidelis et obediens erit, bonaque, iura, res et obventiones praetactarum ecclesiae et praepositurae non alienabit, nec distrahet, sed si quae forent alienatae et distractae, ad ius et proprietatem earundem recuperabit et restituet toto posse. Quocirca honorabilibus vobis in Christo dilectis capitulo et universo clero praetactae ecclesiae Budensis in virtute sanctae obedientiae et sub excommunicationis poena firmiter praecipiendo committimus et mandamus, ut antefatum dominum Sigismundum de Lossoncz, non obstante quorumcunque inhibitione, in corporalem, realem et actualem possessionem praefatae praepositurae inducant et imponant, amoto exinde quolibet alio, sibique ut et tamquam eorum praelato et praeposito pareant et obtemperent, debitamque et solitam reverentiam faciant, de universisquoque fructibus, redditibus et proventibus iamdictae praepositurae, prout et in quantum ad ipsos pertinet, sibi aut procuratori suo locis et temporibus semper debitis et consvetis integre respondere et responderi facere debeant et teneantur. Et aliud facere poena sub praemissa non audeant. In quorum fidem et testimonium praemissorum praesentes literas nostras fieri, sigillique