Iványi Béla: Oklevéltár a Tomaj nemzetségbeli losonczi Bánffy család történetéhez. II. 1458–1526. (Budapest, 1928.)
1497. 111.3. Dicitur nobis in persona magistri Blasii de Raska cubiculorum nostrorum regalium magistri ac generosae dominae Catherinae consortis, necnon puellarum Margarethae, Elisabeth et Catherinae filiarum eiusdem, quomodo ipsi in domínium totalium portionum possessionariarum magnifici Ladislai de Lossoncz thavernicorum nostrorum regalium magistri in possessionibus Abad et Patha vocatis in comitatu Hewesiensi existentium et habitarum totaliumque possessionum modo simili eiusdem Ladislai de Lossoncz Thomay et Banhalma appellatarum similiter in eodem comitatu Hewesiensi adiacentium ipsos pignoris titulo concernentium legittime vellent introire. Super quo fidelitati vestrae firmiter praecipiendo mandamus, quatenus vestrum mittatis hominem pro testimonio fidedignum, quo praesente magistri Nicolaus Thwroczy de Pyr aut Emericus de Myley vei Adam de Hanthoka aliis absentibus homo noster de curia nostra regia per nos ad id specialiter transmissus ad facies praescriptarum possessionum Abad et Patha consequenterque antedictarum totalium portionum possessionariarum annotati Ladislai de Lossoncz in eisdem habitarum necnon similiter totalium praescriptarum possessionum Thomay et Banhalma vicinis et commetaneis earundem universis inibi legittime convocatis et praesentibus accedendo introducat praefatos exponentes in domínium earundem statuatque easdem eisdem simulcum cunctis earundem utilitatibus et pertinentiis quibuslibet praemisso iuris titulo ipsis incumbenti possidendas, si non fuerit contradictum, contradictores vero, si qui fuerint, evocet eosdem contra annotatos exponentes ad terminum competentem nostram personalem in praesentiam rationem contradictionis eorundem reddituros. Et post haec huiusmodi introductionis et statutionis seriem cum contradictorum et evocatorum, si qui fuerint, vicinorumque et commetaneorum, qui praemissae statutioni intererunt, nominibus terminoque assignato, ut fuerit expediens, eidem nostrae personali praesentiae fideliter rescribatis. Dátum Budae feria sexta proxima ante dominicam Laetare anno Domini millesimo quadringentesimo nonagesimo septimo. Átírva a budai káptalannak az iktatásról szóló, 1497 április 5-én kelt bizonyságlevelében. Lásd a CCLXXIV. számú oklevelet.
