Iványi Béla: Oklevéltár a Tomaj nemzetségbeli losonczi Bánffy család történetéhez. II. 1458–1526. (Budapest, 1928.)

' CXXXVI. 1473 augusztus 21. (Kolozsmonostor.) A kolozsmonostori konvent előtt Losonczi Bánfi István fiai : András váradi kanonok, továbbá László, György, János és Mihály Bonchidai Balog Pálnak érdemei jutalmául Bonczhida mezővárosban egy telket adományoznak. Conventus monasterii Beatae Mariae Virginis de Colosmonostra omnibus Christi fidelibus tam praesentibus quam futuris, praesentium notitiam habituris, salutem in omnium Salvatore. Ad universorum notitiam harum serie volumus pervenire, quod venerabilis ac egregii magister Andreas, canonicus ecclesiae Waradiensis, necnon Ladislaus, Georgius, Johannes et Michael, filii quondam magnifici Stephani, filii Bani de Lossoncz, coram nobis personaliter constituti, parili voce unanimique consensu ac spontanea eorum voluntate confessi extiterunt in hunc modum: Quod quamquam praefatus Stephanus, filius Bani, genitor ipsorum, consequenterque ipsi consideratis fidelitate et fidelibus servitiis quondam Pauli Balog dicti de Bonczhyda unum fundum curiae in eodem oppido ipsorum Bonczhyda cis rivulum Soospathak penes idem oppidum decurrentem habitum cum cunctis suis utilitatibus et pertinentiis quibuslibet, ad eundem fundum curiae pertinere debentibus, memorato Paulo Balogh et per eum Alberto literato, filio eiusdem, ipsorumque superstitibus universis imperpetuum contulerunt gratiose, tamen, quia annotatus Albertus literátus, filius praefati Pauli Balogh, nonnulla fidelia servitia sub locorum et temporum varietate iuxta suae sagacitatis humanitatem ipsis filiis Bani augmentuose impendere studuisset obsequiose, ideoque iidem filii Bani huiusmodi servitiorum ipsius Alberti literati intuitu eidem pio favore occurrere volentes gratiose hanc libertatis donationem sibi suisque haeredibus universis duxissent faciendam, ymmo fecerunt coram nobis, ut idem Albertus literátus et per consequens sui haeredes circa praedictum fundum curiae incipiendo penes pretactum rivulum Soospathak tot et tantas sessiones, quot et quantas situatim locare, populare et descendifacere poterint, locandi, populandi et descendifaciendi easdemque simulcum cunctis suis utilitatibus, iure ad easdem pertinere debentibus, tenendi, possidendi pariter et habendi liberam