Iványi Béla: Oklevéltár a Tomaj nemzetségbeli losonczi Bánffy család történetéhez. II. 1458–1526. (Budapest, 1928.)

CXXVI. 1472 április 3. Buda. Mátyás király Losonczi Bánfi Andrásnak, Györgynek, Losoncznak, Mihálynak és a többi Bánfmak meghagyja, hogy birtokaikon Kolozsvár lakosaitól vámot szedni s árúikat lefoglalni ne merjék. Commissio propria domini Regis. Mathias, Dei gratia rex Hungáriáé, Bohemiae etc. fidelibus nostris egregiis Andreae, Georgio, Lossoncz, Michaeli et aliis filiis Bani de Lossoncz, salutem et gratiam. Expositum est nobis in personis fidelium nostrorum prudentum et circumspectorum virorum iudicis, iuratorum et universorum civium civitatis nostrae Koloswar ad modum gravis querelae, quod licet ipsi et eorum quilibet simulcum cunctis rebus et bonis suis antiqua libertatis eorum praerogativa et etiam per nos confirmata requirente ab omni solutione tributorum et theloniorum ubicumque exigendorum penitus exempti sint et subportati habeantur, tamen vos et homines vestri ipsos contra huiusmodi libertates eorum ad solutionem tributorum vestrorum, dum ad loca eorundem pervenerint, artaretis et conpelleretis, prout etiam nunc nonnullas res et bona eorum in locis tributorum vestrorum detinuissetis in ipsorum praeiudicium dampnum quoque et gravamen valde magnum. Et quia nos, sicuti cunctos subditos nostros, ita etiam eosdem exponentes in ipsorum antiquis libertatibus conservare volumus, igitur fidelitati vestrae firmiter mandamus, quatenus a modo deinceps super praefatos cives et inhabitatores dictae civitatis nostrae Koloswar vei eorum alterum resque et bona ipsorum quaecumque contra praemissas eorum libertates nullum tributum nullamve tributariam exolutionem recipere debeatis, res eorum et bona eorum, quae nunc per vos et vestros detenta sunt, libere dimittatis et eis sine dampno reddatis, alioquin commisimus et praesentibus strictius committimus fidelibus nostris wayvodis et vicewayvodis nostris Transsilvanis, ut ipsi huiusmodi tributa vestra, in quibus super dictos exponentes ac bona eorum contra dictas eorum libertates tributa reciperentur, pro maiestate nostra occupare debeant et teneantur auctoritate nostra praesen-