Iványi Béla: Oklevéltár a Tomaj nemzetségbeli losonczi Bánffy család történetéhez. II. 1458–1526. (Budapest, 1928.)

Nos conventus monasterii Beatae Mariae Virginis de Colosmonostra memoriae commendamus, quod egregius Ladislaus iunior et Sigismundus, filii condam Desew [filii Bajni de Lossoncz ab una, parte siquidem ex [altéra] circumspectus vir Ladislaus literátus, iuratus civis opidi Thorda, in personis iudicis ac iurato[rum] civium ac universorum populorum [et] incolarum eiusdem opidi Thorda residentium nostram personaliter veniendo in praesentiam idem Ladislaus literátus iuratus civis confessus est in hunc modum: Quod quam[vis] ipsi, iudex, iurati cives ac universitas populorum ac incolarum in dicto opido Thorda commorantium possessionem dictorum Ladislai iunioris et Sigismundi Desew Zenthmyklos vocatam in comitatu Thordensi existentem unacum thelonio in iamdicto opido Thorda exigi consueto sibi ipsis a regia serenitate novae donationis titulo dari et conferri procurassent, tamen ipsi iudex et iurati cives et tota communitas ordinatione compositioneque et dispositione certorum proborum et nobilium virorum inter eos laborantium dictam possessionem Zenthmikolos unacum thelonio praedicto eisdem Ladislao iuniori et Sigismundo pacifice et quiete remisissent et resignassent perpetuo tenendam, possidendam pariter et habendam. E converso vero in recompensam praedictorum iidem Ladislaus iunior et Sigismundus, filii Desew id assumpserunt, ut ipsi in vigilia festi Penthecostes proxime affuturi quinquaginta florenos puri auri Hungaricales eisdem iudici et iuratis civibus opidi Thorda persolvere deberent et tenerentur terrasque arabiles, quas populi et inhabitatores dicti opidi Thorda sub metis iam dictae possessionis Zenthmyklos arassent, eisdem seminare et semen dumtaxat unius anni de eisdem terris metere et deportare libere permitterent tandemque iidem iudex et iurati cives huiusmodi terras arabiles eisdem Ladislao iuniori et Sigismundo remitterent et relinquerent; ubi autem praefati Ladislaus iunior et Sigismundus, filii Desew dictos quinquaginta florenos in dicto termino dictis iudici ac iuratis civibus opidi Thorda non persolverent aut quoquo modo persolvere nollent, non possent vei negligerent, extunc iidem iurati cives termino solutionis elapso dictam possessionem Zenthmyklos simulcum praefato thelonio absque cuiuslibet litis processu sibi ipsis occupandi easdemque tenendi et possidendi