Varjú Elemér: Oklevéltár a Tomaj nemzetségbeli losonczi Bánffy család történetéhez. I. 1214–1457. (Budapest, 1908.)

eidem magistro Dyonisio impignoratas cum cunctis suis utilitatibus et pertinentiis universis, nil iuris seu dominii reservando sibi de eisdem, praefatae nobili dominae Annae in perpetuum dedisset et contulisset et legasset. Tertia nempe praedictarum literarum scilicet ipsius capituli Wachiensis in praedictis die et anno suborta intertenebat, quod praefatus magister Dyonisius coram ipso capitulo constitutus fuisset confessus, quod ducentos equos suos equatiales ac sex equos emissarios bonos pro eisdem equatiis valentes, una cum quadam portioné sua possessionaria in possessione Thysazalo, eundem iure impignoratitio contingentem, ubi idem equi equatiales conservarentur, praefatae nobili dominae Annae coniugi suae perempnaliter dedisset et contulisset. Quibus quidem literis exhibitis, praedictisque partibus eis in praemissis per nos iuris aequitatem impertiri postulantibus, cum nos visis et perceptis praedictarum literarum seriebus et continentiis, auditisque earundem partium allegationibus et obiectionibus nostri in praesentia factis, inter easdem partes meri iuris et iustitiae complementum arbitrando ordinare et disponere voluissemus, mox Petrus filius olim magistri Dyonisii filii Thomae de dicta Losonch in nostri praesentia adhaerens, se causam in praedictam consuetudine regni requirente intromittens et immiscens allegavit eo modo, quod licet ex seriebus praemissarum literarum per praedictam nobilem dominam iam productarum praefatum magistrum Dyonisium omnes praedictas possessionarias portiones, totales fundos curiarum et vineas emptitias et inpignoratitias, necnon equos equatiales eidem nobili dominae Annae consorti ipsius, ut praescribitur, testamentaliter in perpetuum legatas, datas et donatas fuisse reperiremus, tamen idem magister Dyonisius adhuc vita mundiali iubilans post omnium praedictarum literarum per praefatam nobilem dominam nunc nostri in praesentia productarum emanationem denuo et de novo vice iterata de omnibus suis bonis et rebus mobilibus et immobilibus aliam novissime fecisset testamentariam dispositionem et super dicta testamentaria dispositione novissime per ipsum magistrum Dyonisium facta ipse literas haberet efficaces, in quibus idem magister Dyonisius suam testamentariam dispositionem de suis rebus et bonis mobilibus et immobilibus ac aliis quibuslibet prae(1390. XI. 23.)