Varjú Elemér: Oklevéltár a Tomaj nemzetségbeli losonczi Bánffy család történetéhez. I. 1214–1457. (Budapest, 1908.)
et adversus eosdem viriliter absque metu leti leonina audacia suffultus ingrediendo, domino amminiculante cum suo iugi bellico certamine adeo cum eorum fallerata et scelerata valida caterva in acie belli iugiter contrivit, debellavit et prorsus concassando in fugám convertit, ut nos cum nostris fidelibus militibus et quibusdam proceribus, per eosdem nequam infideles una nobiscum retentis et compeditis, pristinae libertatis apicem attingentes perfecta cum ingenti illaritate 1) corporeo perfruimur sospitate primarii regiminis solio feliciter sublimatae. Et quamvis idem vir magnificus fidelitatis eximiae ubertate insignitus nobis nostrisque regnicolis nimium proficuus, pro praetaxatis suis strenuis gestis, virtuosis actibus et laudedignis bellicis certaminibus nostrae et nostrorum fidelium compeditorum praescriptorum liberationis commodum totiusque regni nostri profectum et tranquillum statum concernentibus multo potiora antidotum praemia a nostra dignus foret enancisci maiestate, tamen aliquantisper eidem et suis superstitibus reginali anhelantes occurrere cum favore, ut idem reginalis remunerationis dulcedine praegustata in regalibus et nostris obsequiis deinceps solito ferventius animetur, una cum serenissimo principe domino Sigismundo, inclito dicti regni Hungáriáé rege, domino et consorte nostro carissimo, praelatisque et baronibus regni nostri matúra deliberatione ex inde praehabita, ex consilio, consensu et sanctione unanimi eorundem, quoddam castrum nostrum Zalanch vocatum, in comitatu Zemliniensi, situatum memorato viro magnifico domino Ladislao bano eiusque heredibus et posteritatum cunctis sobolibus, simul cum universis suis villis, districtibus, tenutis, iuribus, iurisdictionibus, tributis, aquis, piscinis, molendinis, amniumque decursibus, obventionibus ac commoditatibus campestribus, scilicet silvestribus et limphaticis ac quibuslibet eiusdem cunctis pertinentiis ad ipsum iugiter et ab antiquo spectantibus, sub suis veris et pristinis metarum limitationibus et gyro, per regiam et nostram maiestates hactenus quoquomodo possessum et servatis, auctoritate et mera potestatis plenitudine et ex certa scientia nostrae maiestatis, novae nostrae donationis titulo dedimus, donavimus et in aevum contulimus, imo damus, donamus et effective perhempniter conferimus per ipsos eorumque posteros et super-
