Varjú Elemér: Oklevéltár a Tomaj nemzetségbeli losonczi Bánffy család történetéhez. I. 1214–1457. (Budapest, 1908.)

leti exponendo, notorios infideles nostrae maiestatis, habitis cum eisdem mutuis bellicis plerisque vicibus congressibus, in cunctis locis certaminum domino aminiculante adeo debellavit, affugavit et potentiam gentis armigerae eorundem conquassavit et contrivit, ut serenissima princeps domina Maria dicti regni Hungáriáé inclyta regina, conthoralis nostra praecara per eosdem nostros infideles cum inclita genitrice et quibusdam fidelibus proceribus suis captivatis ergastulo praepedita et retenta, pristinae libertatis apicem et reginalis decofis fastigia enacta extitit loculenter, pro nostra totiusque regni nostri eximia illaritate, anhelans idem vir egregius nobisque et nostris regnicolis prorsus proficuus sua urbanitate et cordiali sincero nisu in omnibus prae ceteris nostrae eminentius complacere maiestati, gratum se regali in conspectu exhibuit et acceptum, regalis maiestatis perspicua contemplacione praemetientes, volentesque sibi pro huiusmodi suis strenuis actibus regali occurrere cum favore, ut regalis remunerationis amoenitate praegustata in servitiis nostris regiis instauratis solito ferventius animetur, una cum praelatis et baronibus nostris sane exinde deliberantes, ex consilioque et sanctione unanimi eorundem, quasdam possessiones nostras regales Casow et Garan nuncupatas, in comitatu Zemliniensi sitas, ad castrum nostrum Zalanch appellatum spectantes, ab eodemque castro per nos iam demptas et segregatas, memorato magnifico viro domino Ladislao bano fideli nostro sincere dilecto et per eum suis heredibus et posteritatum suorum cunctis sobolibus, simul cum earundem possessionum omnibus iuribus, iurisdictionibus ac utilitatibus, fructuositatibus, comoditatibus et praesertim terris cultis et incultis, pratis, vineis, silvis, rubetis, aquis, molendinis, amniumque decursibus et obventionibus, cetercisque quibuslibet usibus, redditibus campestribus, scilicet silvestribus et limphaticis ac cunctis sius pertinentiis, sub earundem prisca et pristino verarum metarum limitatione et giro per regalem maiestatem hactenus rite possessae et servatis, mera auctoritate et potestatis plenitudine ac ex certa scientia nostrae maiestatis, novae nostrae donationis titulo dedimus donavimus et in aevum contulimus, imo damus, donamus et effective ac perempniter conferimus per ipsos, eorumque successores et super-