Varjú Elemér: Oklevéltár a Tomaj nemzetségbeli losonczi Bánffy család történetéhez. I. 1214–1457. (Budapest, 1908.)

missa mandata sua fideliter exsequenda, qui demum ad nos reversi concorditer nobis retulerunt, quod ipsi primo ad faciem villae regalis Bonchyda vocatae universis vicinis et commetaneis eiusdem legitimis convocationibus factis et praesentibus pariter accessissent per suas veras metas et directos cursus metales eandem reambulando, reambulatamque ac ab aliorum viciniariorum possessionariis iuribus per subscriptas novarum metarum erectiones, ut iidem homines ipsius regiae maiestatis et nostri nobis expresserunt, hoc modo distinxissent, quod prima meta inciperet inter eandem villám regalem Bonchyda vocatam et possessionem Swk nobilium de eadem, circa fluvium Zomus, ubi duas metas novas erexissent, quarum una, videlicet a plaga septentrionali existens eidem possessioni regali Bonchyda et alia a parte meridionali possessioni Swk separaret et ab inde tendendo ad partém orientalem veniret ad magnam viam de eadem Swk in Bonchyda transeuntem et ibi saliendo ipsam viam exiret ad terras arabiles, ubi inter easdem in modico spatio iterum unam metam novam, de qua tendendo versus eandem plagam orientalem paululum similiter inter terras arabiles aliam novam metam, et exinde ulterius pergendo transiret ad Sospotok, secus quem simili modo unam metam novam, ibique saliendo ipsum potok tenderet sursum ad quendam montem Chypkesberch vocatum, a plaga orientali adiacentem, in cuius supremitate duas metas novas erexissent, una earum a plaga septentrionali dictae villae regali Bonchyda et alia a parte meridionali eidem possessioni Swk distingueret, abhinc tenendo super eodem berch ad descensum eiusdem appropinquaret, ubi iterum unam metam novam, inde ad Woryaspotok perveniret, ibidemque ipsum potok transeundo, tenderet supra ad quendam montem Buzusberch vocatum, in quo similiter unam metam novam, inde pergendo ad partém orientalem, veniret ad montem altiorem, in cuius cacumine tres metas novas, una earundem a plaga meridionali praelibatae possessioni Swk, alia terrae Gyulateluke vocatae, ad magistrum Georgium dictum Bubek pertinente et tertia a parte septentrionali terrae Buzus vocatae ad ipsam villám regalem spectantis separantes erexissent, ibique metae ipsius possessionis regalis Bonch-