Varjú Elemér: Oklevéltár a Tomaj nemzetségbeli losonczi Bánffy család történetéhez. I. 1214–1457. (Budapest, 1908.)
reverenter recepimus, inter cetera continentes, quod mitteremus hominem nostrum pro testimonio fidedignum, quo praesente Nicolaus filius Bodun homo vester, per nos specialiter de curia vestra ad infrascripta destinatus, ad faciem dimidietatis cuiusdam possessionis Hene vocatae, in comitatu de Zabolch ut refertur existentis, vicinorum et commetaneorum legitimis convocationibus factis, accederet et eisdem praesentibus reambularet eandem per suas veras metas et antiquas, novas iuxta veteres ubi necesse fieret erigendo, reambulatamque et ab aliorum possessionibus novis metis in locis opportunis quo supra erectos separatam et distinctam statueret magistro Stephano filio Thomae filii Dyonisii de Luchunch et de Regen eo iure, quo sibi dinosceretur pertinere perpetuo possidendam, contradictione Ladislai, Andreae et Demetrii filiorum Iwan, Emerici et Petri filiorum Simonis filii Egidii de Kallow non obstante, salvis iuribus aliorum, si per alios quospiam non fuerit contradictum; contradictores vero, si qui alii fierent, idem homo vester contra praetaxatum magistrum Stephanum filium Thomae ad vestram citaret praesentiam ad terminum competentem et post haec nos ipsius possessionariae statutionis seriem, cum cursibus metarum de novo erigendarum, ac nominibus citatorum, si qui fierent, et termino assignato, vobis amicabiliter rescriberemus. Nos igitur legitimis et congruis postulationibus vestris ac iustitiae annuentes, cum praefato Nicolao filio Bodun homine vestro nostrum hominem, providum iuvenem videlicet Lucasium clericum chori nostri transmisimus pro testimonio ad praemissa exequenda. Qui quidem homo vester tandem ad nos reversus, praesente et audiente dicto testimonio nostro nobis retulit isto modo, quod ipse una cum eodem testimonio nostro sabbato proximo post quindenas festi resurrectionis domini iam praeteritas accessissent ad faciem dimidietatis possessionis Hene praenotatae, eandemque vicinis et commetaneis suis legitime convocatis eisdem praesentibus, per suas veras metas et antiquas reambulassent et reambulatam ac ab aliorum possessionibus et portionibus possessionariis per erectiones metarum infra declarandarum distinctam et separatam, cum universis utilitatibus et pertinentiis ipsius dimidietatis, annotato magistro Stephano filio Thomae, ut suum ius perpetuo Bánffy Oklevéltár. I. J3 (1353.) IV. 13.