Varjú Elemér: Oklevéltár a Tomaj nemzetségbeli losonczi Bánffy család történetéhez. I. 1214–1457. (Budapest, 1908.)

volentibus ipsis partibus iudicantes commiseramus, quod praenotatus Stephanus filius Thomae filii Dionisii de Luchunch in octavis festi beati Michaelis archangeli tunc venturis coram capitulo ecclesiae Varadiensis hoc, quod praefata medietas antedictae possessionis Hene vocatae, in dicto comitatu de Zabolch habita, nunquam praedictorum filiorum Lothardi fuerit, sed semper sua et praedecessorum suorum hereditaria extiterit et ex eo regiae collationi nomine possessionis praedictorum filiorum Lothardi in nullo pertinuerit, praedictique filii luan de Kalló et filii Symonis in quindenis praefati festi beati Michaelis archangeli similiter tunc venturis, modo simili coram eodem capitulo ecclesiae Varadiensis hoc, quod dicta medietas praescriptae possessionis Hene vocatae nunquam ipsius Stephani filii Thomae et suorum praedecessorum hereditaria extiterit, sed semper ipsorum filiorum Lothardi fuerit et ex eo praemissa infidelitatis nota regiae collationi pertinuerit et pertinere debuerit, testibus, quibus evidentius potuissent, cum vicinis et commetaneis praedictae possessionis Hene ac aliis comprovincionalibus nobilibus, iuxta regni consuetudinem, contra se comprobare tenerentur. Et post haec ipsius testimonialis productionis seriem partes in literis dicti capituli Varadiensis cum nominibus attestantium ad octavas festi beati Martini confessoris tunc affuturas nobis debuissent reportare. Tandem ipsis octavis festi beati Martini confessoris adhaerentibus Lukachius de Tuser pro dicto Stephano filio Thomae cum procuratoriis literis nostris ad nostram accedens praesentiam, literas praetacti Varadiensis ecclesiae capituli super ipsa testimoniali productione nobis pro parte ipsius Stephani rescriptionales praesentarat, ex quarum tenoribus ipsum testimonium contra praefatos filios luan et filios Symonis in ipsis octavis festi beati Michaelis archangeli coram ipso capitulo ecclesiae Varadiensis, testificatione quindecim nobilium eiusdem comitatus et aliorum comitatuum, in eisdem literis capituli ecclesiae Varadiensis nominatim et expresse contentorum, ac aliis comprovincialibus nobilibus, in toto videlicet centum et triginta numerum complentibus, praedictam suam acquisitionem iuxta nostram iudiciariam commissionem legitime videramus productum extitisse (1352.) X. 6. (1352.) X. 13. (1352.) XI. 18.