Wenzel Gusztáv: Árpádkori új okmánytár. Codex diplomaticus Arpadianus continuatus. III. 1261–1272. (Pest, 1862.)

19. IV. Crbán pápa Fülöpnek zágrábi püspöknek, ki esztergami érseknek postuláltatott , megengedi, hogy az esztergami egyház kormányát ideiglenesen átvegye. 1262. Urbánus Episcopus etc. venerabili fratri Philippo Episcopo Zagabriensi salutem etc. Presentatam nobis postulationem de te in Strigoniensi Ecclesia, pastoris destituta solatio, celebratam, per venerabilem fratrem . . . Episcopum Penestrinum, et dilectos filios nostros I. Portuensem Electum et 0. Sancte Marié in ViaLata Diaconum Cardinalem, secundum laudabilem Ecclesie Komane consvetudinem examinari fecimus diligenter. Et licet compertum fueiit per examinationem huiusmodi, postulationem eandem concordem et canonicam extitisse; nosque noverímus, quod ex tuis magnificis meritis te maiora decerent, et amplioribus esses honoribus attolendus, tamen iura et statutum Sedis Apostolice super hoc edita servari volentes, admittere distulimus postulationem ipsam ad prcsens eam relinquentes, donec personaliter ad predictam sedem accesseris, in suspenso. Ceterum cum nolimus, quod eadem Ecclesia patiatur ob defectum regiminis aliquod delrimentum, propter urgentem necessitatem ac evidentem utilitatem ipsius te in procuratorem dicte Strigoniensi Ecclesie concedentes, curam et admiuistrationem ipsius in spiritualibus et temporalibus tibi auctoritate presentium duximus committendam, fraternitati tue per Apostolica scripta mandantes, quatenus infra festum Sancti Iacobi Apostoli proximo futurum ad presentiam nostram personaliter accedere non postponas : alioquin procurationem et administrationem huiusmodi finire volumus eo ipso. Dátum Viterbii III. Idus Ianuarii. Pontificatus nostri anno primo. (IV. Orbán pápa Regestáiból, Theicer id. m. I. k 243. 1.)