Wenzel Gusztáv: Árpádkori új okmánytár. Codex diplomaticus Arpadianus continuatus. III. 1261–1272. (Pest, 1862.)

58. IV. Orbán pápa Farkas mesternek, választott székesfehérvári prépostnak meghagyja, hogy négy holnap alatt Romában jelenjen meg. 1264. Urbánus Episcopus etc. dilecto filio magistro Forcasio Electo in Prepositum Ecclesie Albensis ad Romanam Ecclesiam nullo medio pertinentis, Vesprimiensis Diocesis, aule carissimi in Cbristo filii nostri . . . Regis Ungarie illustris Vice-Cancellario, salutem etc. Tue devotionis puritas efficaciter persuadet, quod tuis libenter intendentes profectibus ab hiis, que tibi dispendium possent affere, opportune subventionis remedio tuam studeamus personam favorabiliter preservare. Sane lecta coram nobis petitionis tue series continebat, quod licet tu, qui in Prepositum Albensis Ecclesie canonice, ut asseris, es electus, iu votis habueris, pro petenda confirmatione huiusmodi electionis infra tempus Electis Ecclesiarum ad petendum electionum suarum confirmationis munus a iure statutum, ad Apostolicam Sedem personaliter te conferre; tamen discriminibus guerrarum, que in illis invaluere partibus, tibi super hoc impedimenti obicem opponentibus, nequis commode huiusmodi tuum in hac parte desiderium adimplere; super quo ne id tibi ad negligentie culpam futuris forsan poásit temporibus imputari, per nostram provideri sollicitudinem suppliciter postulasti. Tuis igitur supplicationibus inclinati, tibi ad veniendum ad nostram presentiam pro dicte confirmationis tue munere postulaado quatuor mensium spatium indulgemus; ita quod infra illud propter hoc ad sedem prefatam accedere tenearis. Nulli ergo etc. nostre concessionis etc. Dátum apud Urbem Veterem II. Idus Februarii, (Pontificatus nostri) anno tertio.