Wenzel Gusztáv: Árpádkori új okmánytár. Codex diplomaticus Arpadianus continuatus. II. 1234–1260. (Pest, 1861.)
probationes, quod bee predia ad monasterium Sancte Crucis pertinere debeant, et quod dictus W. ea iniuste detineat. IV. (Sine dato.) F. miseratioue Diuina Abbas Scotorum in Wienna, Ch. Prepositus Newinburgensis et eiusdem Ecclesie Decanus domino W. de Ouen uiro prouido et lionesto salutem et oraciones in Domino. Meminisse uolumus dilectionem uestraru, quod super querimoniam venerabilis Abbatis de Sancta Cruce de quibusdam prediis in Pomgarten, scilicet XIIII mansis et aliis agris, pascuis, piscationibus, que ipse ad suum monasterium asserit pertinere titulo legationis bone memorie domini Ch. quondam de Altah, qui est humatus ibidem, ac uos indebite occupasse, iudices a Sede Apostolica constituti uos nuper. citaueramus. Verum quia pro infirmitate uestra dilectioni uestre parcimus, quantum possumus, eundem terminum usque in diem Sancti Martini duximus prolongandum, iterum uos peremptorie citantes et districte mandantes, quatinus ipso die coram nobis compareatis in Drist, quod teutonice Tristamchirchen uocatur, super eadem causa finaliter responsuri. Scire etiam debetis, quod predictus Abbas a nobis instanter petiuit, ut testes senes, ualitudinarios et alios, de quorum morte timet, et absentia diuturna ibidem exigente necessitate et pro Ecclesie sue uitando periculo recipiamus. Quod ideo uobis denunciamus, quia presens esse debetis, et copia nobis dabitur inpugnandi et exeipiendi contra huiusmodi testimonia Hic est libellus conuentionalis. Ego Abbas Sancte Crucis peto coram uobis iudicibus a Curia Romana delegatis, scilicet Abbate Scotorum in Wienna, Preposito Newinburgensi et eiusdem Ecclesie Decano pro me et Conuentu meo predium in Pomgarten XIIII mansorum cum aliis eius pertinenciis, scilicet agris, pascuis, piscationibus, que dominus Ch. de Altah bone memorie quondam Ecclesie nostre contulit pro salute anime sue, et uos Wernhere de Ouen contra iusticiam occupastis, nam, cum ea aliquanto tempore possedissemus, iniuste fuimus expulsi. V. (Sine dato.) F. Dei gracia venerabili Abbati Scotorum in Wienna et F. Decano de Newinburcli Ch. Newinburgensis Prepositus fraternam in Christo dilectionem cum oracionibus in Domino. 8*
