Linzbauer, Franciscus Xav.: Codex Sanitario-Medicinalis Hungariae 2 (Budae, 1852)
Regimen Mariae Theresiae imperatricis et regis
200 Contumacia ad tres septimanas extensa; locus Krag-ojavacz infectus. Conci. Cons. die 23. Octb. 1742. (In seq. 31. R. ddto 16. Octb. 1742.) Comitum Alex. Károlyi et Thomae Berényi in re sanitatis relationes fine eo benigne communicantur ; quatenus juxta petitum Comitis Károlyi comitatibus illis, quos tangit, intimetur, ut lineam illam, quam idem Comes trans Tibiscum in finibus comitatuum Békés si ensis, Aradiensis etZarandiensis instituit, rite observent; eidem vero Comiti rescribatur, ut respectu incolarum Transilvaniae, et illorum comitatuum, in quorum gremio malum contagionis grassatur, contumacia ad tres septimanas extendatur; Comiti autem Berényi, approbatis per totum ejusdem dispositionibus, rescribatur, ut curam sanitatis ulterius quoque sedulo gerat; caeterum cum prope Belgradum in loco Kragojavacz dicto pestis grassetur, comitatibus Bacsiensi et Baranyiensi intimari praecipitur, ut debitas in finibus suis dispositiones faciant, ne ullus sine fidedignis passualibns admittatur ; quodipsum etiam ex parte Sclavoniae jam fieri demandatum est. 285. Series locorum infectorum. Conci. Cons. die 23. Octb. 1742. Ex alio Consilii istius Locumtenentialis Regii sub 28. praeteriti mensis Julii expedito intimato intelligere licuit: quinam comitatus, quaeve eorundem loca contagionis malo eotum jam infecta fuere, quales item salutares ad antevertendam ulteriorem ejusdem mali propagationem factae exstiterint praecautiones ? ubivis exacte observandae. Cum porro non obstantibus etiam ejusmodi praecautionibus, praeattactum malum ab eo tempore non modo trans Tibiscum majus sumpserit incrementum, sed etiam cis Tibiscum in Bereghi- ensi, Abaujvariensi, Zempliniensi, Sarosiensi et Borsodiensi comitatibus eruperit, eodemque trans Tibiscum quidem complura loca, in praefatis vero cis-Tibiscanis comitatibus in annexa serie / denotata infecta habeantur: hinc ea jam sollicita cura gerenda est, ut adhibitis quibusvis salutaribus modis, et mediis ulterior ejusdem mali extensio sit praecauta; quem etiam in finem, licet pro ulteriore tutamine, et conservatione comitatuum trans Tibiscum sitorum, et Dei gratia adhuc sanorum, ac harum etiam Partium majori securitate, trans Tibiscum certae praecautionales ductae sint lineae, una quidem in finibus districtus majoris Cumaniae et comitatus exterioris Szolnok, alia vero in limitibus comitatuum Békés, Zarand et Arad, dispositumque una habeatur, ut ex Comitatibus et locis trans-linealibus per ejusmodi lineas, tanto magis per Tibiscum non alter, quam qui in locis idcirco per dominum Regium Commissarium designatis, vel adhuc designandis, contumaciam rite expleverit, resque penes se habitas dabite mundari fecerit, idipsumque sufficientibus authenticis testimonialibus legitimaverit, admittatur. Quia nihilominus ultra etiam praevio modo institutas salutares dispositiones summe necessarium foret, ut ubivis locorum exacta, et sedula vigilantia in eo adhibeatur; ne cuipiam sive ex infectis trans Tibiscum sitis comitatibus contumaciam praevie non peragenti, sive ex comitatibus cis-Tibiscanis pariter infectis, sine fidedignis salvi passus literis, debite contrasignatis, venienti transitus et condescensio admittatur. Datum Posonii ut s. / Specificatio comitatuum contagionis malo trans Tibiscum infectorum, numerus item locorum in iisdem infectione notatorum, vel de ea suspectorum. Habet loca: Comitatus Szatthmariensis infecta 120 suspecta 7 . « Maramarosiensis „ 66 „ — „ Bihariensis „ 31 „ 11 28#.
