Linzbauer, Franciscus Xav.: Codex Sanitario-Medicinalis Hungariae 2 (Budae, 1852)
Regimen Mariae Theresiae imperatricis et regis
498 Debita ex indole sua specialiter privilegiata. Decisiones Curiales. die 31. Octb. 1769. Sectio II. Nro. V. 1. Funeb rales expensae debitoris, vel ad ejus familiam pertinentis personae. 2. Medici, chirurgi et apothecarii justa praetensio ob curam debitoris ac familiarium ejus; — ne ob defectum similis operae, contra jura humanitatis , de vita periclitentur. 61$. Ordines ad antevertenda infanticidia. Conci Cons. 4321? ~ die 13. Novb. 1769. (In seq. M. R. -Y; eodem ddto 7. Novb. 1769.) Humanissimum maternae curae specimen , praesente in Mandato / circumscriptum, pro strictissima observantia cunctis Regni Jurisdictionibus intimatur. / Maria Theresia etc. Serenissime Dux etc. Quantumvis atrox et humanitati repugnans infanticidii crimen ex praescripto Patriae Legum severissime puniatur, providentia attamen publica exposcit, ut quoad fieri valet memoratum scelus horrendum, dispositionum ad hoc ipsum sufficientium adminiculo antevertatur. Quamobrem Dilectioni et Fidelitatibus Vestris harum vigore benigne praecipimus ac mandamus, quatenus apud universos Regni Comitatus et Civitates, Districtus item separatas portas habentes, sequentia disponere noverint. Et quidem: Primo. Ut in omnibus et singulis locis publicari faciant, quod dehinc cuilibet locali Jurisdictioni, prout et oppidorum ac pagorum judicibus ex officio, quod gerunt, incumbet, talismodi uterum gerentes solutas personas sollicite observare, habitaque de hoc, quod nimirum impraegnatae sint, fundata dunta- xat suspicione, earundem parentibus, vel si hoc in loco haud haberent, patri aut matri familias , sub cujus cura aut jurisdictione existunt, illico , atque una serio injungere, ut tempori partus maxima cum sollicitudine invigilent. Eoque ex capite hic Secundo. Donec impraegnata persona uterum gesserit, eandem a se haud dimittent, sed eam in domo sua retinebunt, aut alibi de eadem apud honestos et Christianos homines provisionem facturi sunt, ne imminens partus, enitendaque proles, cuipiam sit e xp o s i t a d i s cr i- m i n i. Et quia Tertio. Saepe numero contingit, ut talismodi gravidae personae causa celandae, quam inde contraxerunt ignominiae, loca mutent, hinc quoties- cunque hujus generis suspecta persona apparuerit, locorum judices eandem detinebunt, et circumstantialiter examinabunt, factum dein proximo processuali Judici Nobilium, aut alteri e Comitatus magistratualibus officialibus indicaturi, ut idem circa securitatem partus necessaria ordinare queat. Quarto. Si deinceps infanticidii crimen emerserit, semper indagandum erit, cur oppidorum et locorum judices praedeclaratas dispositiones non expleverint , inque mora aut culpa comperiendi poena arbitraria castigandi erunt. Ad haec Quinto. Generaliter inhibitum volumus, ne hujusmodi mulieres publice virgis cedantur, aut aliis poenis infamantibus afficiantur, siquidem metus publicae prostitutionis, crebrius ad patrandum hocce nefandum et atrox crimen incitamento fuisse in comperto sit. Datum Viennae ut s. 017.
