Linzbauer, Franciscus Xav.: Codex Sanitario-Medicinalis Hungariae 2 (Budae, 1852)
Regimen Mariae Theresiae imperatricis et regis
237 praedeclaratos Articulos praesentibus literis nostris privilegialibus insertos et inscriptos, taliter uti praeinserti essent, quoad omnes eorundem continentias et clausulas, omniaque et singula in iisdem contenta ratos, gratos, et accepta habentes, praeattacta authoritate nostra Caesareo-Regia approbavimus, roboravimus et ratificavimus, ac pro antelatis civibus pharmacopolis, ipsorumque posteris et successoribus universis valituros benigne confirmavimus; imo acceptamus, roboramus et confirmamus (salvo jure alieno). Nobis de caetero praedictos articulos in parte, aut in toto mutandi, vel abrogandi plenariam facultatem reservantes, harum nostrarum secreto sigillo nostro (quo ut Regina Hungáriáé utimur) impendenti communitarum vigore et testimonio literarum. Datum in civitate nostra Vienna die 17. Februarii 1749. Articuli. Primo: Quemadmodum eo semper respiciendum esset, ut liberum commercium , nullisque limitibus circumscriptum servetur, ita etiam praecipue in arte pharmaceutica eo omnem nervum intendere oportet, ut cum necessaria annua recens conficiendorum , ac comparandorum pharmacorum quantitate distractio, ac venditio medicamentorum aequilibrium habeat, adeoque tot apothecae, quot in qualibet civitate necessariae sunt, erigantur; itaque deinceps tot dun- taxat civiles apothecae in libera hac et regia civitate Tyrnaviensi serventur, tolerenturque, quot tam pro publica, quam et privatorum necessitate ac utilitate necessariae fuerint. Secundo: Nullus pharmacopoeorum apothecam erigendi aut erectam emendi, vel alio quocunque titulo aquirendi licentiam, et jus habeat, nisi idem prius per ordinarium Physicum civitatis, aut ipsam Facultatem medicam sufficienter, an nempe aptus, et gerendo pharmacopoei muneri par sit, examinetur, habi- lisque inveniatur; atque hoc examen per praememoratum Physicum civitatis vel Facultatem medicam aliquando introducendum, coram duobus pharmacopoeis civilibus, praesentibus etiam magistratualiter exmittendis Senatoribus instituatur; neque ullus ad hoc examen admittatur, nisi edocere possit, quod ab honestis parentibus natus sit, et tyrocinium debite superaverit, insuperque sanctae religioni romano catholicae addictus comperiatur, peractoque examine, et in eodem subsistens, per examinantemque pro sufficiendi agnitus et declaratus con- civilitatem assumere obligetur. Tertio: Peracto (ut praemissum est) examine, et comperto, quod examinatus bene versatus apothecae praeesse possit, idem jurare debet se Magistratui et Physico civitatis omnem reverentiam, obedientiamque praestiturum, sua quoque arte universis, praecipue vero aegrotantibus divitibus aeque ac pauperibus profuturum, omnique diligentia curaturum, ut singulos praescriptos sibi Articulos observet, medicamenta a medicis praescripta praeparet, ac recentia administret, et communem medicamentorum taxationem sub poena eatenus per loci magistratum dictanda indubie observet, neque cum agravio publici, aut privatorum in his quoquo modo excedat, a curationibus morborum qualiumcun- que abstineat, nec professionis suae limites praeexistentibus medicis transgrediatur. In reliquo licitum ipsi erit petentibus lenia tam sudorifera, quam laxantia, aliaque secura medicamenta ex officina sua distrahere, mercurialia autem, arsenicalia, antimonialia, purgantia acriora et his similia de quibus metus aliquis subversari valeret, sub gravi animadversione nullatenus divendet- cae- terum in eo omnem suum conatum impendat, ut omnes, et singulos inferius enarrandos Articulos diligenter, fideliter et honeste, ac sine omni periculo adimpleat, singulariter vero quilibet sub juramento admonendus est, ne pariter absque scitu medici nociva et venenosa, abortum item causantia et menstrua- t i on ani procurantia pharmaca vendere, aut gratuito dare praesumat; a vene-
